ఆంధ్ర పోలింగ్.. లైవ్ అప్‌డేట్స్..

 ఓటు హక్కు వినియోగించుకున్న గౌతు శిరీష

పలాస నియోజకవర్గం ఎన్డీఏ కూటమి పలాస నియోజకవర్గ అభ్యర్థి గౌతు శిరీష పలాస శాసనంలో ఓటు హక్కు వినియోగించుకున్నారు

మంగ‌ళ‌గిరిలో ఓటు హక్కు వినియోగించుకున్న జనసేన అధినేత ప‌వ‌న్ క‌ల్యాణ్‌. తన సతీమణితో కలిసి ఓటు వేశారు.

ఉదయం 9 గంటలకు వరకు ఎన్‌టీఆర్ జిల్లాలో 8.95 శాతం పోలింగ్ నమోదయింది. విజయవాడ ఈస్ట్‌లో అత్యధికంగా 12శాతం పోలింగ్ నమోదైంది.

ఐకాన్న స్టార్ అల్లూ అర్జున్.. జూబ్లీహిల్స్‌లో ఓటు వేశారు. అనంతరం నంద్యాల టూర్‌పై క్లారిటీ ఇచ్చారు. ‘‘నాకు ఏ రాజకీయ పార్టీతో సంబంధం లేదు. రాజకీయాల్లోకి వచ్చే ఉద్దేశం నాకు లేదు. ప్రజలందరూ ఓటు హక్కు వినియోగించుకోవాలి’’ అని కోరారు.

ఓటు హక్కు వినియోగించుకున్న మంత్రి కాకాణి.... నెల్లూరు జిల్లా సర్వేపల్లి నియోజకవర్గం నుంచి మంత్రి కాకాణి గోవర్ధన్ రెడ్డి పోటీ చేస్తున్నారు .సర్వేపల్లి నియోజకవర్గం, పొదలకూరు మండలం, తోడేరు గ్రామంలో కుటుంబ సభ్యులతో కలిసి ఆయన ఓటు హక్కు వినియోగించుకున్నారు.

అన్నమయ్య జిల్లా మదనపల్లెలో మొరాయించిన ఈవీఎం

చిత్తూరు జిల్లా మదనపల్లె పట్టణం కదిరి రోడ్డులోని రాయలసీమ చిల్డ్రన్స్ అకాడమీ స్కూల్లో ఉన్న 103 వ పోలింగ్ కేంద్రంలో ఈవీఎం పని చేయడం లేదు. ఎలక్ట్రానిక్ ఓటింగ్ మిషన్ పనిచేయక పోవడంతో ఓటర్లు ఇబ్బందులు పడుతున్నారు. పొద్దున 7 లకే పోలింగ్ కేంద్రాలకు ఓటర్లు చేరుకున్నప్పటికీ నిరీక్షణ తప్పడం లేదని ఓటర్లు ఆవేదన వ్యక్తం చేశారు. అర్థగంట సేపు మాత్రమే ఈవీఎం పని చేసిందని, అనంతరం ఈవీఎం మోరాయించ డంతో గంటన్నర నుంచి నిరీక్షిస్తున్నట్లు ఓటర్లు తెలిపారు.

వైయస్సార్సీపీ విజయవాడ పార్లమెంట్ అభ్యర్థి, ఎంపీ శ్రీ కేశినేని శ్రీనివాస్ (నాని), తన కుటుంబ సభ్యులతో కలిసి తూర్పు నియోజకవర్గం, 29, 30 బూత్ లలో ఓటు హక్కును వినియోగించుకున్నారు