'పవన్ సంతకం.. 'జగన్'ను ఇరకాటంలో పెట్టిందా?

శ్రీవారి లడ్డు ప్రసాదంలో కల్తీ జరిగిందనే వ్యవహారం టీటీడీ వివాదాలకు కేంద్రంగా మారింది. దీనిని మరింత తీవ్రం చేసిన రాజకీయ పార్టీలు శ్రీవారి దర్శనానికి కూడా ముడిపెట్టాయి. శ్రీవేంకటేశ్వరస్వామిని హిందూయేతరులు దర్శించుకోవాలంటే డిక్లరేషన్ ఇవ్వాల్సి ఉంటుందనే అంశాన్ని తెరమీదకి తెచ్చారు. దానిపై డిప్యూటీ సీఎం కొణిదెల పవన్ కళ్యాణ్ బుధవారం తిరుమలలో వ్యవహరించిన విధానంతో రాజకీయ విమర్శకుల అంచనాలను తల్లకిందులు చేశారు. ఇక నోరు మెదపడానికి వీలు లేని విధంగా వైసీపీని కూడా ఆత్మ రక్షణలో పడేశారు. తిరుమల పర్యటనకు వచ్చిన పవన్ కల్యాణ్ పెద్ద కూతురు ఆద్య (రేణూదేశాయ్ కుమార్తె),ప్రస్తుతం ఆయన భార్య అన్నా లెజినోవా కుమార్తె పోలెనా అంజనీ కొణిదెలతో కలిపి వచ్చిన ఆయన ఏం చేశారని ఒకసారి పరిశీలిద్దాం..

తిరుమల లడ్డూ వ్యవహారం చిలికి చిలికి గాలి వానగా మారింది. ఇది దేశంలోనే కాకుండా ప్రపంచవ్యాప్తంగా ఉన్న హిందూ సమాజాన్ని కలవరానికి గురిచేసింది. శ్రీవారిని దర్శించుకోవడానికి పొరుగు దేశాల నుంచి కూడా వచ్చే భక్తుల్లో కూడా చర్చకు ఆస్కారం కల్పించింది. ఈ పరిస్థితుల్లో..