అనంతపురం : ఊరి కోసం ఇటుకలు, రాళ్లు మోసిన ఎమ్మెల్యే సునీత

"నసన్నకోట.. నా ఊరు. ఇక్కడ జరిగే ఉత్సవాలకు పని చేయడం నా బాధ్యత. అని ఎమ్మెల్యే పరిటాల సునీత భావోద్వేగంతో అన్నారు. ఆమె భర్త దివంగత ఎమ్మెల్యే పరిటాల రవి తండ్రి శ్రీరాములయ్య ఈ తిరునాళ్ల బాధ్యతలు చూసేశారు. చాలా ఏళ్ల తరువాత గ్రామస్తులు ఐక్యంగా నిర్వహించే దుర్గమ్మ తిరునాళ్ల కు చాలా పెద్ద చరిత్ర ఉంది.

అనంతపురం జిల్లా రాప్తాడు నియోజకవర్గం రామగిరి మండలం నసనకోట వద్ద ఉన్న పురాతన దుర్గమ్మ అమ్మవారి ఉత్సవాలు ఈ ఏడాది మే నెల 14వ తేదీ నుంచి మూడు రోజులపాటు నిర్వహించనున్నారు. చారిత్రక నేపథ్యం కలిగిన అమ్మవారి తిరునాళ్ల చాలా సంవత్సరాల తరువాత నిర్వహిస్తున్నారు.

అనంతపురం జిల్లాలో పెద్దగా పరిచయం అవసరం లేనిది పరిటాల కుటుంబం. ఎమ్మెల్యే పరిటాల సునీత భర్త పరిటాల రవీంద్ర దివంగత ఎమ్మెల్యే.

"పరిటాల రవి తండ్రి శ్రీరాములయ్య కాలం నుంచి కూడా కొండగుట్టపై వెలసిన నసనకోట దుర్మమ్మ ఆలయ నిర్వహణ, ఉత్సవాలు నిర్వహించే వారు" అని రాప్తాడు ప్రాంతానికి చెందిన ఎం. సతీష్ బాబు చెప్పారు. అత్యంత పురాతన ఆలయంలో తిరునాళ్లు ఏటా మే నెలలో నిర్వహిచడం ఆయనవాయితీగా పాటిస్తున్నారని సతీష్ బాబు తెలిపారు. ఇదిలాంటే, దాదాపు 68 ఏళ్ల తరువాత 2022లో తిరునాళ్లకు ఏర్పాట్లు చేశారు. ఆ తరువాత ఈ ఏడాది భారీగా నిర్వహించడానికి ఏర్పాట్లు చురుగ్గా సాగుతున్నాయి.

చాలా ఏళ్ల తర్వాత నిర్వహిస్తున్నారు.

రామగిరి మండలం నసనకోట వద్ద ఉన్న పురాతన దుర్గమ్మ తిరునాళ్లు భారీగా నిర్వహించడం. సమీప గ్రామాల నుంచి వచ్చే వారికి ఇబ్బంది లేకుండా ఏర్పాట్లు చేయడానికి పెద్ద ఎత్తన అభివృద్ధి కార్యక్రమాలు చేపట్టారు. వీటిలో పంచాయతీలోని ప్రజలు స్వచ్ఛందంగా పాల్గొన్నారు. ఎమ్మెల్యే సునీత కూడా వారితో కలిసి శ్రమదానం చేశారు. సిమెంట్ ఇటుకలు మోస్తూ.. అలాగే ఇసుక గంపలు అందుకుంటూ పనులు చేశారు. మండుటెండలో కూడా ఆమె ఈ పనులు చేశారు. అనంతరం గ్రామస్థులతోనే కలిసి గుడి మెట్ల వద్ద భోజనం చేశారు.

"మే నెల 14,15,16 వ తేదీల్లో అమ్మవారి ఉత్సవాల నిర్వహణకు కార్యక్రమాలు ఖరారు చేశారు. తిరునాళ్ల పెద్దఎత్తున నిర్వహిస్తాం. ఉత్సవాల కోసం ఏర్పాట్లు చురుగ్గా సాగుతున్నాయి" అని ఎమ్మెల్యే పరిటాల సునీత తెలిపారు. గ్రామస్తులు ఐక్యంగా నిర్వహించే ఈ ఉత్సవాల కోసం శ్రమదానం చేయడం నా బాధ్యత" అని ఎమ్మెల్యే పరిటాల సునీతమ్మ వ్యాఖ్యానించారు.