ఏ జిల్లాలోకి ఏయే నియోజకవర్గాలు వస్తాయంటే..
తెలంగాణలో 33, ఆంధ్రప్రదేశ్ లో 32 జిల్లాలు..
By : The Federal
Update: 2025-11-08 11:36 GMT
ఆంధ్రప్రదేశ్ లోనూ తెలంగాణతో సమానంగా జిల్లాలను ఏర్పాటు చేస్తారా లేక తగ్గిస్తారా అన్నది ఇప్పుడు రాష్ట్ర వ్యాప్తంగా చర్చనీయాంశంగా ఉంది. ఇటీవల సమావేశమైన మంత్రివర్గ ఉప సంఘం చేసిన సిఫార్సులను రాష్ట్ర ముఖ్యమంత్రి ఎన్.చంద్రబాబు నాయుడు చురుగ్గా పరిశీలిస్తున్నారు. తెలంగాణలో 33 జిల్లాలు ఉన్నాయి. ఆంధ్రప్రదేశ్ లోనూ 33 జిల్లాలను ఏర్పాటు చేయాలన్న ఆలోచన ఉన్నప్పటికీ మంత్రివర్గ ఉప సంఘం మాత్రం 32 జిల్లాలను సిఫార్సు చేసినట్టు సమాచారం.
ప్రస్తుతం ఆంధ్రప్రదేశ్ లో 26 జిల్లాలు ఉన్నాయి. రాష్ట్రం విడిపోయిన 2014 నాటికి ఆంధ్రప్రదేశ్ 13 జిల్లాలతో ఏర్పాటైంది. వైఎస్ జగన్ ప్రభుత్వం వచ్చాక 2022లో జిల్లాల పునర్ వ్యవస్థీకరణ జరిగింది. ప్రతి లోక్ సభ నియోజకవర్గాన్నీ ఓ జిల్లాగా మార్చాలనే ప్రతిపాదనతో మొదలుపెట్టి చివరకు 26 జిల్లాలతో ముగించారు. అయితే ఆ తర్వాత వివిధ ప్రాంతాల నుంచి వచ్చిన డిమాండ్ మేరకు తెలుగు దేశం ప్రభుత్వం ఆ సంఖ్యను పెంచాలని యోచిస్తోంది. అందుకుతగ్గట్టుగా మంత్రివర్గ ఉప సంఘాన్ని ఏర్పాటు చేసింది. మంత్రివర్గ ఉపసంఘం తాజా సమావేశం కొన్ని కీలక సిఫార్సులు చేసింది.
రాష్ట్రంలో ప్రస్తుతం ఉన్న 26 జిల్లాల సంఖ్యను 32కి పెంచడం ఇందులో కీలకం.
కొత్తగా ప్రతిపాదించిన జిల్లాలలో అమరావతి( Amaravati), మార్కాపురం (Markapuram), గూడూరు (Gudur), మదనపల్లె (Madanapalle), రంపచోడవరం (Rampachodravaram), పలాస (Palasa) ఉన్నట్టు సమాచారం.
జిల్లా, రెవెన్యూ డివిజన్ల పరిధుల్ని తగ్గించాలని నిర్ణయించింది. గత పునర్వ్యవస్థీకరణ సమయంలో ఏర్పడిన లోటుపాట్లను సరిదిద్ది కొత్త వాటిని ఏర్పాటు చేయాలని మంత్రివర్గ ఉపసంఘం సిఫార్సు చేసింది. ప్రస్తుతం ఈ ప్రతిపాదనలు తుది పరిశీలన స్థాయికి చేరాయి.
ఏపీలో కొత్త (ప్రతిపాదిత) జిల్లాలు.. వాటి పరిధిలోకి వచ్చే అసెంబ్లీ నియోజకవర్గాలు
1. పలాస: ఇచ్ఛాపురం, పలాస, టెక్కలి, పాతపట్నం
2. శ్రీకాకుళం: శ్రీకాకుళం, ఆముదాలవలస, నరసన్నపేట, ఎచ్చెర్ల, రాజాం
3. మన్యం పార్వతీపురం: పార్వతీపురం, కురుపాం, సాలూరు, పాలకొండ
4. విజయనగరం: విజయనగరం, చీపురుపల్లి, గజపతినగరం, నెల్లిమర్ల, శృంగవరపుకోట, బొబ్బిలి
5. విశాఖపట్నం: భీమిలి, విశాఖ ఈస్ట్, విశాఖ వెస్ట్, విశాఖ నార్త్, విశాఖ సౌత్, గాజువాక, పెందుర్తి
6. అల్లూరి సీతారామరాజు అరకు: అరకు, పాడేరు, మాడుగుల
7. అనకాపల్లి: అనకాపల్లి, చోడవరం, నర్సీపట్నం, యలమంచిలి, పాయకరావుపేట, తుని
8. కాకినాడ: కాకినాడ సిటీ, కాకినాడ రూరల్, ప్రత్తిపాడు, పిఠాపురం, జగ్గంపేట, పెద్దాపురం, రామచంద్రాపురం
9. తూర్పు గోదావరి రాజమహేంద్రవరం: రాజమండ్రి సిటీ, రాజమండ్రి రూరల్, కొవ్వూరు, నిడదవోలు, అనపర్తి, రాజానగరం, రంపచోడవరం
10. బి.ఆర్.అంబేద్కర్ కోనసీమ అమలాపురం: అమలాపురం, ముమ్మిడివరం, గన్నవరం, రాజోలు, కొత్తపేట, మండపేట
11. పశ్చిమ గోదావరి నరసాపురం: తణుకు, ఆచంట, పాలకొల్లు, నరసాపురం, భీమవరం, ఉండి, తాడేపల్లిగూడెం
12. ఏలూరు: ఏలూరు, దెందులూరు, ఉంగుటూరు, గోపాలపురం, చింతలపూడి, పోలవరం
13. కృష్ణా మచిలీపట్నం: కైకలూరు, గుడివాడ, పెడన, మచిలీపట్నం, అవనిగడ్డ, పామర్రు
14. ఎన్టీఆర్ విజయవాడ: విజయవాడ ఈస్ట్, విజయవాడ వెస్ట్, విజయవాడ సెంట్రల్, తిరువూరు, నూజివీడు, గన్నవరం, పెనమలూరు, మైలవరం
15. అమరావతి: పెదకూరపాడు, తాడికొండ, మంగళగిరి, జగ్గయ్యపేట, నందిగామ
16. గుంటూరు: గుంటూరు ఈస్ట్, గుంటూరు వెస్ట్, తెనాలి, పొన్నూరు, ప్రత్తిపాడు
17. బాపట్ల: బాపట్ల, వేమూరు, చీరాల, రేపల్లె, పర్చూరు
18. పల్నాడు నరసరావుపేట: నరసరావుపేట, చిలకలూరిపేట, సత్తెనపల్లి, గురజాల, మాచర్ల, వినుకొండ
19. మార్కాపురం: మార్కాపురం, ఎర్రగొండపాలెం, గిద్దలూరు, కనిగిరి, దర్శి
20. ఒంగోలు: ఒంగోలు, అద్దంకి, సంతనూతలపాడు, కొండెపి, కందుకూరు
21. శ్రీ పొట్టి శ్రీరాములు నెల్లూరు: నెల్లూరు సిటీ, నెల్లూరు రూరల్, కావలి, ఆత్మకూరు, కోవూరు, ఉదయగిరి
22. గూడూరు: గూడూరు, వెంకటగిరి, సర్వేపల్లి, సూళ్లూరుపేట
23. శ్రీ బాలాజీ తిరుపతి: తిరుపతి, శ్రీకాళహస్తి, సత్యవేడు, నగరి, చంద్రగిరి
24. చిత్తూరు: చిత్తూరు, పూతలపట్టు, గంగాధర నెల్లూరు, పలమనేరు, కుప్పం
25. మదనపల్లి: మదనపల్లి, పీలేరు, పుంగనూరు, తంబళ్లపల్లి
26. సత్యసాయి హిందూపురం: హిందూపురం, కదిరి, ధర్మవరం, పుట్టపర్తి, పెనుగొండ, మడకశిర
27. అనంతపురం: అనంతపురం, రాయదుర్గం, కళ్యాణదుర్గం, గుంతకల్లు, ఉరవకొండ, రాప్తాడు, శింగనమల, తాడిపర్తి
28. ఆదోని: ఆదోని, పత్తికొండ, ఆలూరు, ఎమ్మిగనూరు, మంత్రాలయం
29. కర్నూలు: కర్నూలు, డోన్, నందికొట్కూరు, కోడుమూరు
30. నంద్యాల: నంద్యాల, శ్రీశైలం, ఆళ్లగడ్డ, బనగానపల్లె, పాణ్యం
31. వైఎస్సార్ కడప: కడప, జమ్మలమడుగు, ప్రొద్దుటూరు, మైదుకూరు, కమలాపురం, పులివెందుల
32. అన్నమయ్య రాజంపేట: రాజంపేట, రైల్వే కోడూరు, రాయచోటి, బద్వేలు.