YVU- Kadapa | 'సైబర్ టెక్' తో వేమన వర్సిటీ ఒప్పందం
ఉపాధి ఆధారిత కోర్సుల బోధనకు కడప వైవీయూ (Yvu) ఒప్పందం చేసుకుంది. నైపుణ్యంతో కూడిన విద్య అందించడానికి అడుగులు వేసింది.;
మారుతున్న కాలం. విద్యారంగంలో వస్తున్న మార్పులకు అనుగుణంగా విశ్వవిద్యాలయాలు కూడా అడుగులు వేస్తున్నాయి. అందులో భాగంగానే కడపలోని యోగి వేమన విశ్వవిద్యాలయం (Yogi vemana university - Yvu) ఉపాధి ఆధారిత విద్య బోధన దిశగా ఒప్పందాలు చేసుకుంది. సాంకేతిక విద్యా బోధనతో పాటు ప్లేస్ మెంట్లు చూపించే దిశగా కడప యోగివేమన విశ్వవిద్యాలయం ఒప్పదం చేసుకుంది. హైదరాబాద్ లోని సైబర్ టెక్ సొల్యూషన్స్ తో ఒప్పందం కుదిరినట్లు వైవీయూ పీఆర్ఓ డాక్టర్ పీ. సరిత చెప్పారు.
ఇన్నోవేట్ సైబర్ టెక్ సొల్యూషన్స్ ప్రైవేట్ లిమిటెడ్‌తో ( హైదరాబాద్)తో పరస్పర అవగాహన ఒప్పందం కుదిరింది. ఆ సంస్థ సీఈవో మోనిక, ఎండీ అభిమన్యు రావు, ప్రోగ్రాం డెవలపర్‌ మండూరు అయ్యప్ప, యోగివేమన యూనివర్సిటీ వీసీ ప్రొఫెసర్ కె. కృష్ణారెడ్డి, రిజిస్ట్రార్ ప్రొఫెసర్ పద్మ, ప్రిన్సిపల్ ప్రొఫెసర్ ఎస్ రఘునాథరెడ్డి ఒప్పందపత్రాలపై సంతకాలు చేశారు.