లడ్డూ , దర్శనం, వసతి వంటి సేవల మీద భక్తుల నుండి అభిప్రాయ సేకరణ

 తిరుమల తిరుపతి దేవస్థానములు అందిస్తున్న సేవలను మెరుగుపరిచేందుకు శ్రీవారి భక్తుల  అభిప్రాయాలకు ప్రాముఖ్యం ఇవ్వాలని తిరుమల తిరుపతి దేవస్థానం (టిటిడి) నిర్ణయించింది.  ఇంకా మెరుగైన సేవలు అందించేందుకు ఇది దోహపడుతుందని, క్రమం తప్పకుండా భక్తుల అభిప్రాయాలు సేకరించేందుకు చర్యలు చేపట్టాలని టిటిడి ఈవో శ్రీ జె. శ్యామల రావు వివిధ శాఖలను ఆదేశించారు. ఇప్పటికే ఈ ప్రక్రియ మొదలయింది.  టిటిడి పరిపాలనా భవనంలోని సమావేశ మందిరంలో భక్తుల  అభిప్రాయ సేకరణపై వివిధ విభాగాల అధిపతులతో ఆయన సమీక్ష నిర్వహించారు.