సీఎం సొంతూరు నారావారిపల్లెలో విషాదం

తిరుపతి ఎస్పీ ఎల్. సుబ్బారాయుడు, అదనపు ఎస్పీ రవిమనోహరాచారి, డీఎస్పీ వెంకటనారాయణ నారావారిపల్లెకు చేరుకున్నారు. చంద్రగిరి పోలీసులతో పాటు, సీఐలు, ఎస్ఐలు భారీగా పోలీసు సిబ్బంది అక్కడ మోహరించారు. ప్రజలు, బంధువుల రామ్మూర్తి భౌతికకాయం సందర్శించి, నివాళులు అర్పించడంతో పాటు, సీఎం చంద్రబాబు నివాసం వద్ద భద్రతా చర్యలను ఎస్పీ సుబ్బారాయుడు పర్యవేక్షిస్తున్నారు. ఇదిలావుండగా టీడీపీ నేతలు, బంధువులు పెద్ద సంఖ్యలో నారావారిపల్లెలోని సీఎం  చంద్రబాబు నివాసానికి చేరుకుంటున్నారు. దీంతో ఇక్కడ ఎలాంటి ఇబ్బందికర పరిస్థితి లేకుండా, పోలీసులు ముందుజాగ్రత్తలు తీసుకుంటున్నారు. 

నారా రామ్మూర్తి నాయుడుహైదరాబాదులోని ఓ ప్రైవేటు ఆస్పత్రిలో చికిత్స తీసుకుంటున్నారు. తమ్ముడు మరణించారనే సమాచారం అందుకున్న సీఎం చంద్రబాబు ఢిల్లీ పర్యటన అర్ధంతరంగా రద్దు చేసుకుని హైదరాబాద్ చేరుకున్నారు. బాబాయ్ మరణవార్త తెలియడంతో అమరావతిలో తన కార్యక్రమాలను రద్దు చేసుకున్న మంత్రి నారా లోకేష్ కూడా హైదరాబాద్ వెళ్లారు.

చిత్తూరు జిల్లా చంద్రగిరి నియోజకవర్గ నారావారిపల్లెకు చెందిన సీఎం చంద్రబాబు తమ్ముడు నారా రామమూర్తి నాయుడు కూడా కొంతకాలం టీడీపీ రాజకీయాల్లో కొంతకాలం క్రియాశీలకంగా వ్యవహరించారు. ఒకసారి ఎమ్మెల్యేగా కూడా ఆయన గెలిచారు. చంద్రగిరి నియోజకవర్గ నుంచి రామ్మూర్తి నాయుడు 1994లో టీడీపీ ఎమ్మెల్యేగా విజయం సాధించారు. ఉమ్మడి ఆంధ్రప్రదేశ్లో 1999 వరకు ఆయన ఆ పదవిలో ఉన్నారు. నారా రామ్మూర్తి నాయుడు కొడుకు నారా రోహిత్ తెలుగు చలనచిత్ర రంగంలో ప్రముఖ నటుడుగా గుర్తింపు పొందారు. రాజకీయాలకు దూరంగా ఉంటున్న నారా రోహిత్ సినీపరిశ్రమలో హీరోగా అనేక సినిమాలు చేశారు. మినహా తండ్రి రామ్మూర్తి నాయుడు, పెదనాన్న, సీఎం చంద్రబాబు రాజకీయ ప్రభావం నారా రోహిత్ పై కనిపించలేదని చెప్పవచ్చు. ఈ వ్యవహారాలకు దూరంగా ఉంటూ, తన సినీ రాజకీయ కెరీర్ పైన దృష్టి సారించారు.