శ్రీవారికి త్రైమాసిక మెట్లోత్సవం ఎందుకు నిర్వహిస్తారు..

అనంతరం వేల సంఖ్యలో వచ్చే భజన మండలి సభ్యులతో సాంప్రదాయ భజనలు చేస్తూ తిరుమలకు చేరుకుంటారు. కాలిబాటలో గాలిగోపురం, ఏడో మైలుతో పాటు చదునుగా ఉన్న ప్రదేశాల్లో భజన మండళ్ళ కళాకారులు ప్రదర్శనలో యాత్రికులను అలరించనున్నారు. దీనికోసం టీటీడీ, హిందూ ధర్మ ప్రచార పరిషత్ ప్రత్యేకంగా ఏర్పాట్లు చేస్తోంది.

తిరుమలకు మెట్లోత్సవం ప్రారంభానికి ముందు అలిపిరి వద్ద 31వ తేదీ తెల్లవారుజామున పూజలు నిర్వహించనున్నారు. ఈ కార్యక్రమానికి తమిళనాడు, కర్ణాటక, తెలుగు రాష్ట్రాల నుంచి వచ్చిన కళాకారులు కూడా భారీగా హాజరుకానున్నారు. పాదాల మండపం, శ్రీలక్ష్మీ నారాయణస్వామి ఆలయాలకు మధ్య ఉన్న తిరుమలకు ప్రారంభమయ్యే మెట్లకు సమీపంలో శ్రీదేవి, భూదేవి సమేత శ్రీవారి ఉత్సవ మూర్తులను ఆశీలను చేస్తారు. దాససాహిత్య ప్రాజెక్టు అధికారులతో పాటు తాళ్లపాక అన్నచార్యుల వంశీకుడు విగ్రహాలకు పూజలు చేయడం, అనంతరం దాససాహిత్య ప్రాజెక్టు ప్రతినిధులు వేలాదిగా హాజరయ్య భక్త మండళ్ల కళాకారులను ఉద్దేశించి ధార్మిక సందేశాలు ఇవ్వనున్నారు. అనంతరం అన్నమయ్య 12వ తరానికి చెందిన వంశీకుడు తాళ్ళపాక హరినారాయణస్వామి, దాససాహిత్య ప్రతినిధులు స్వామివార్ల విగ్రహాలు తలపై ఉంచుకుని సంకీర్తనలు ఆలపిస్తూ ముందుకు సాగుతుంటే కళాకారులు భజనలతో వారిని వెన్నంటి సాగనున్నారు. అలిపిరి వద్ద ఈ దృశ్యాలు చూసేందుకు రెండు కళ్లు చాలవేమో అన్నంత హృద్యంగా ఉంటాయి.