చంద్రబాబు రాజకీయాలకు..మన రాజకీయాలకు తేడా ఉంది

సత్యసాయి జిల్లా గాండ్లపెంటలో ఏడు ఎంపీటీసీలకు ఆరింటిని వైఎస్‌ఆర్‌సీపీ గెలుచుకుంది. ఒకే ఒక్క దానిని టీడీపీ గెలుచుకుంది. అలాంటిది ఎంపీపీ పదవి వైఎస్‌ఆర్‌సీపీకే రావాలి. కానీ చంద్రబాబు అత్యంత హీనంగా వ్యవహరించారని ధ్వజమెత్తారు. ప్రకాశం జిల్లా మార్కాపూరంలో 15 ఎంపీటీసీలకు గాను 15 వైఎస్‌ఆర్‌సీపీనే గెలుచుకుంది. అక్కడ ఎంపీపీ కూడా వైఎస్‌ఆర్‌సీపీకే రావాలి. కానీ అక్కడ దుర్మార్గంగా ప్రవర్తించారని మండిపడ్డారు. అయినా వైసీపీ వాళ్లంతా ఒక్కటిగా నిలబడినందుకు హ్యాట్సాఫ్‌ అని అన్నారు. పిఠాపురంలో కూడా వైసీపీ వాళ్లు గట్టిగా నిలబడ్డారని మెచ్చుకున్నారు. కుప్పం మునిసిపాలిటీలో 25 వార్డులకు గాను 19 వైసీపీ గెలిస్తే, టీడీపీ కేవలం 6 మాత్రమే గెలిచింది. ఇక్కడ కూడా చైర్మన్‌ పదవి వైసీపీకి రావాలి. కానీ దౌర్జన్యాలు చేసి, బెదిరింపులకు పాల్పడి అన్యాయంగా ప్రవర్తించారని జగన్‌ మండిపడ్డారు. గత ఐదేళ్ల పాలనలో వైఎస్‌ఆర్‌కాంగ్రెస్‌ ప్రభుత్వం ఎన్నో పథకాలు, కార్యక్రమాలను తీసుకొస్తే వాటిని అన్నింటిని నాశనం చేశారని కూటమి ప్రభుత్వంపై జగన్‌ మండిపడ్డారు.