గురువాయూరు శ్రీకృష్ణుడిగా మురిపించిన మలయప్ప

తిరుమలలో శ్రీవారి బ్రహ్మోత్సవాలు అంగరంగ వైభవంగా నిర్వహిస్తున్నారు. సాలకట్ల బ్రహ్మోత్సవాల్లో గురువారం ఉదయం మలయప్ప స్వామివారు గురువాయూరు శ్రీకృష్ణుడిగా పిల్లనగోవి చేతిలో ఉంచుకు అలంకారంలో ఐదుతలు ఉన్న చినశేష వాహనంపై తిరుమల మాడవీధుల్లో ఊరేగారు.

తిరుమల ఆలయ మాడవీధుల్లోని గ్యాలరీలు యాత్రికులతో రద్దీగా కనిపించాయి. తెల్లవారకనే గ్యాలరీల్లోకి చేరుకున్న యాత్రికులు మలయప్ప వాహనసేవ చూసేందుకు గంటలకొద్దీ వేచి ఉన్నారు. వారికి అన్నప్రసాదాలు అందివ్వడంలో శ్రీవారి సేవకులు, టీటీడీ సిబ్బంది అవిశ్రాంతంగా పనిచేశారు. దీనికోసం బ్రహ్మోత్సవాల ప్రారంభానికి ముందే టీటీడీ చైర్మన్ బీఆర్. నాయుడు, కార్యనిర్వహణాధికారి అనిల్ కుమార్ సింఘాల్ నిర్వహించిన సమీక్షల్లో గ్యాలరీల్లో పర్యవేక్ష బాధ్యతలు సీరియర్ అధికారులకు అప్పగించారు.