EXCLUSIVE | శ్రీవారికి పట్టువస్త్రాలు సమర్పించిన ఒకే చైర్మన్

అక్టోబర్ ఒకటో తేదీ తిరుపతిలో ఏమి జరిగింది? తిరుమలలో ఆ నాటి టీటీడీ చైర్మన్, అధికారుల పరిస్థితి ఏమిటి? హైదరాబాద్ లో నేనేమి విన్నానంటే..

తిరుమలలో ఏర్పాట్లన్నీ పూర్తి చేశారు. భద్రత కట్టుదిట్టంగా ఉంది. పద్మావతి అతిథిగృహాల సముదాయంలో సీఎం నారా చంద్రబాబు విడిది చేయడానికి ఏర్పాట్లు చేశారు. శ్రీవారి ఆలయం ఎదురుగా ఉన్న బేడి ఆంజనేయస్వామి ఆలయం చెంత బందోబస్తు, టీటీడీ అధికారులు పడిగాపులు కాస్తున్నారు. సీఎం రాకకోసం ఆనాటి టీటీడీ చైర్మన్ పప్పల చలపతిరావు తోపాటు టీడీపీ నేతలు అంతా నిరీక్షిస్తున్నారు. సాయంత్రమైంది. శ్రీవేంకటేశ్వరస్వామివారి బ్రహ్మోత్సవాల సంబురానికి ధ్వజారోహణం చేసే గడువు సమీపిస్తోంది. అంతా హడావిడిగా ఉంది. అదే సమయంలో పిడుగులాంటి సమాచారం తిరుమలలో కూడా దావానలంలా వ్యాపించింది.

తిరుపతి నగరం అలిపిరి వద్ద సీఎం నారా చంద్రబాబుపై బాంబు దాడి ఘటన నేపథ్యంలో ఆయన పట్టువస్త్రాలు సమర్పించే అవకాశం లేకుండా పోయింది. దీంతో 2003-2004 మధ్య కాలంలో టీటీడీ చైర్మన్ గా ఉన్న టీడీపీ నేత పప్పల చలపతిరావుకు ఆ అపూర్వ అవకాశం దక్కింది.

విశాఖపట్టణం జిల్లా అనకాపల్లి నుంచి ఆయన ఎంఎల్సీగా 2015లో ఎమ్మెల్సీగా పనిచేసిన పప్పల చలపతిరావు, నాలుగుసార్లు ఎమ్మెల్యేగా, ఒకసారి ఎంపీగా కూడా పనిచేశారు. హౌసింగ్ బోర్డు చైర్మన్ గా కూడా పనిచేసిన టీడీపీ నేత చలపతిరావు టీటీడీ చైర్మన్ గా ఉన్నప్పుడు శ్రీవారికి పట్టువస్త్రాలు సమర్పించే అవకాశం దక్కింది.