విద్యార్థుల ఆకలి కేకలు ఇలా ఉన్నాయ్..

రాష్ట్రంలో మధ్యాహ్న భోజన పథకాన్ని జూనియర్ కాలేజీల్లో అమలు చేయాలని కోరుతూ, దీర్ఘకాలిక ఆందోళనలకు వామపక్ష విద్యార్థి సంఘం కార్యాచరణ సిద్ధం చేసింది. పేద విద్యార్థుల కోసం టీడీపీ ప్రభుత్వ కాలంలో ప్రభుత్వ జూనియర్ కాలేజీల్లో మధ్యాహ్న భోజన పథకం అమలు చేశారు. వైసీపీ ప్రభుత్వ కాలంలో దీనిని రద్దు చేయడంతో విద్యార్థులు ఇబ్బంది పడుతున్నారు. ఈ మధ్యాహ్న భోజన పథకాన్ని పునరుద్ధరించాలని ఏఐఎస్ఎఫ్ నేతలు ప్రభుత్వాన్ని కోరారు. పేద విద్యార్థులను అన్నా క్యాంటీన్లు ఆదుకుంటున్నాయని, ఈ పరిస్థితి నుంచి కాపాడాలని ఆ సంఘం నేతలు వినతి చేశారు.