నైపుణ్యాభివృద్ధి శిక్షణ కోసం ఏపీలో గ్లోబల్ ఇన్‌స్టిట్యూట్‌ టోనీ బ్లెయిర్ తో లోకేష్ భేటీలో నిర్ణయం

అమరావతిలో అంతర్జాతీయ స్పోర్ట్స్ సిటీ నిర్మాణం, క్రీడాభివృద్ధికి సహకరించాలని కేంద్ర మంత్రి మన్సుఖ్ మాండవీయను కోరారు. కేంద్ర మంత్రి తో సమావేశమైన లోకేష్ ఆంధ్రప్రదేశ్ లో క్రీడాభివృద్దికి చేపడుతున్న చర్యలను వివరించారు.సానుకూలంగా స్పందించిన మాండవీయ పూర్తి సహకారం అందిస్తామని హామీ ఇచ్చారు.అమరావతిలో రాజధాని నిర్మాణం వేగంగా జరుగుతోందని.. క్రీడల అభివృద్ధికి ఏపీ ప్రభుత్వం ప్రాధాన్యత ఇస్తోందని తెలిపిన లోకేష్ ఏపీని స్పోర్ట్స్ హబ్‌గా మారుస్తామన్నారు.ప్రపంచ స్థాయి శిక్షణ, సౌకర్యాలు కల్పించడమే అమరావతి స్పోర్ట్స్ సిటీ లక్ష్యం అని చెప్పారు. జాతీయ, అంతర్జాతీయ వేదికలపై క్రీడాకారులకు మద్దతునివ్వడం కోసం , ఆంధ్రప్రదేశ్‌ను స్పోర్ట్స్ హబ్‌గా మార్చేందుకు కేంద్రం సహకరించాలని లోకేష్ కోరారు. పాఠశాల, గ్రామ స్థాయి నుంచి క్రీడల అభివృద్ధికి సహాయం చేయాలని విజ్ఞప్తి చేశారు.రాష్ట్రంలోని 26 జిల్లాల్లో జిల్లా స్థాయి ఖేలో ఇండియా సెంటర్లను ఏర్పాటు,నాగార్జున యూనివర్సిటీలో అథ్లెటిక్స్, ఆర్చరీ, వెయిట్ లిఫ్టింగ్ సెంటర్ల ఏర్పాటుకు సహకరించాలన్నారు.కాకినాడ డిస్ట్రిక్ట్ స్పోర్ట్స్ అథారిటీ గ్రౌండ్స్‌లో హాకీ, షూటింగ్‌లకు సంబంధించిన సెంటర్ ఆఫ్ ఎక్సలెన్స్‌లను ఏర్పాటు చేస్తామని, ఖేలో ఇండియాలో భాగంగా క్రీడా మౌలిక సదుపాయాల కోసం రూ.341.57 కోట్లతో ప్రతిపాదనలు ఆమోదించాలని లోకేష్ కోరారు.దేశవ్యాప్తంగా క్రీడాకారులను ప్రోత్సహించేందుకు రైల్వే స్పోర్ట్స్ కన్సెషన్ పాస్‌లను మంజూరు చేయాలన్నారు.రెండు రోజుల ఢిల్లీ పర్యటనలో లోకేష్ ఏపీ అభివృద్దికి సంబంధించి పలువురు కేంద్రమంత్రులతో చర్చించారు.