మండలిలో దుమారం రేపిన ‘గాలి’ వ్యాఖ్యలు

దీనిపైన మండలి విపక్ష నాయకుడు బొత్స సత్యనారాయణతో పాటు వైఎస్‌ఆర్‌ కాంగ్రెస్‌ పార్టీ ఎమ్మెల్సీలు తీవ్ర అభ్యంతరం వ్యక్తం చేశారు. వ్యక్తిగతంగా కించపరిచే విధంగా అచ్చెన్నాయుడు మాట్లాడటం మంచిది కాదని మండిపడ్డారు. మంత్రి అచ్చెన్నాయుడు నేను ఒకే ప్రాంతం నుంచి వచ్చాం. సుదీర్ఘ రాజకీయాలు చేసిన అనుభవం నాకు ఉందని అచ్చెన్నాయుడుకి తెలుసు. అలాంటిది మేం గాలికి వచ్చామని మంత్రి చేసిన వ్యాఖ్యలు తీవ్ర అభ్యంతరకరమని మంత్రి అచ్చెన్నాయుడు చేసిన గాలి వ్యాఖ్యలను ఉపసంహరించుకోవాలని అన్నారు. తాము ఎవరిని వ్యక్తిగతంగా కించపరిచే విధంగా మాట్లాడటం చేయడం లేదు. వ్యక్తిగతం తనపై మాట్లాడటం ఇద్దరికీ మంచిది కాదు.. గౌరవం ఉందని, మేమంతా రాజకీయంగా పోరాటాలు చేసి మండలికి వచ్చామని బొత్స సత్యనారాయణ అన్నారు. బాధ్యత గల మంత్రి స్థానంలో ఉన్న వ్యక్తి ఇలాంటి మాటలు మాట్లాడటం సరైంది కాదని వైఎస్‌ఆర్‌ ఎమ్మెల్సీలు అభ్యంతరం వ్యక్తం చేశారు. దీంతో మండలిలో కొద్ది సేపు గందరగోళ వాతావరణం నెలకొంది.