లిక్కర్ స్కాం కేసులో కీలక పరిణామం

కోర్టు అనుమతి లేకుండా దిలీప్ దేశం వదిలి వెళ్ళకూడదు. పాస్ పోర్ట్ కోర్టుకు సరెండర్ చేయాలి. ప్రతి వాయిదాకి తప్పకుండా హాజరు కావాలి. సాక్షులతో మాట్లాడ కూడదు. సహా నిందితులతో కూడా మాట్లాడకూడదు. లక్ష రూపాయలు 2 ష్యూరిటీ లు సమర్పించాలి. వంటి షరతులు కోర్టు విధించింది.

2025 మే 1న చెన్నైలో పైలా దిలీప్ ను పోలీసులు అరెస్ట్ చేశారు. లిక్కర్ స్కాం కేసులో ఏ1గా ఉన్న రాజ్ కేసిరెడ్డికి పిఏ పైలా దిలీప్. శనివారం (29-8-2025) జైలు నుంచి పైలా దిలీప్ విడుదల అయ్యే అవకాశం ఉంది. లక్ష చొప్పున రెండు ష్యూరిటిలు సమర్పించాలని ఆదేశించినందున ష్యూరిటీలు ఇచ్చి విడుదలవుతాడు. జైలు నుంచి విడుదల అయిన మూడు రోజుల్లో పాస్పోర్ట్ సిట్ కు సమర్పించాలని కోర్టు ఆదేశించింది.

మాజీ మంత్రి నారాయణస్వామి

ఎఫ్ఎస్ఎల్ కు మాజీ డిప్యూటీ సీఎం నారాయణస్వామి ఫోన్

ఏపీ లిక్కర్ స్కాం కేసులో మాజీ డిప్యూటీ సీఎం, నాటి ఎక్సైజ్ శాఖ మంత్రి నారాయణ స్వామి ఫోన్ పై సిట్ పోలీస్ అధికారులు ఫోకస్ పెట్టారు. ఇటీవల నారాయణ స్వామిని విచారించిన సమయంలో ఆయన ఫోన్ సిట్ అధికారులు స్వాధీనం చేసుకున్నారు. నారాయణ స్వామి ఫోన్ లో డేటా పరిశీలనకు ఫోన్ FSL కు పంపాలని అధికారులు నిర్ణయించారు. FSL కి పంపటానికి అనుమతి ఇవ్వాలని కోర్టులో సిట్ పిటిషన్ వేసింది. లిక్కర్ స్కాం కేసుతో నాకు ఎటువంటి సంబంధం లేదని ఇటీవల మీడియాతో నారాయణస్వామి అన్నారు. దీనిని బట్టి అన్నీ మాజీ సీఎం కనుసన్నల్లోనే జరిగాయని పోలీసులు భావిస్తున్నారు. నారాయణస్వామి పోన్ ను పరిశీలిస్తే తప్పకుండా కొన్ని నిజాలు వల్లడయ్యే అవకాశం ఉందని పోలీసులు అంటున్నారు. నారాయణస్వామి చెబుతున్న ప్రకారం కేసులో కానీ, మంత్రి పదవిలో కానీ తాను నిమిత్తమాత్రుడినేననే వాదన వినిపిస్తోంది.

నిందితుల్లో ప్రధాన మైన ఐఏఎస్ అధికారి ధనుంజయ్ రెడ్డి, మాజీ సీఎం జగన్ ఎఎస్డీ కృష్ణమోహన్ రెడ్డి, గోవిందప్ప బాలాజీ, కేసిరెడ్డి

ఆంధ్రప్రదేశ్ మద్యం కుంభకోణం (Liquor Scam) ఏమిటి?

ఆంధ్రప్రదేశ్ మద్యం కుంభకోణం అంచనా మొత్తం సుమారు రూ. 3,200 నుంచి 3,500 కోట్లు. YSRCP ప్రభుత్వం (2019-2024) కాలంలో కుంభకోణం జరిగింది. ఇది మద్యం పాలసీలలో అవినీతి, కిక్‌బ్యాక్‌లు, షెల్ కంపెనీల ద్వారా మనీ లాండరింగ్‌తో సంబంధం కలిగి ఉందనే ఆరోపణలు ఉన్నాయి. TDP నేతృత్వంలోని కూటమి ప్రభుత్వం అధికారంలోకి వచ్చిన తర్వాత SIT (Special Investigation Team) దర్యాప్తు చేపట్టింది. ED (Enforcement Directorate) కూడా PMLA కింద కేసు నమోదు చేసింది. మొత్తం నిందితులు A1 నుంచి A40 వరకు ఉన్నారు. వీరు కాకుండా కొన్ని కంపెనీలు కూడా ఉన్నాయి. రెండు ఛార్జ్‌షీట్‌లు (సప్లిమెంటరీ) దాఖలయ్యాయి. 9 కంపెనీలు ఈ స్కాంలో ఉన్నట్లు సిట్ అధికారులు నిర్ధారించారు.

ఈ కేసులో ప్రధాన మైన రాజకీయ నాయకులు, ప్రజా ప్రతినిధులు 6 మంది ఉన్నారు. ప్రధాన అధికారులు కూడా ఆరు మంది ఉన్నారు. దాదాపు వీరంతా జ్యుడీషియల్ కస్టడీలో ఉన్నారు. చాలా మందికి యాంటిసిపేటరీ బెయిల్ ను కోర్టు తిరస్కరించింది. కొందరు రెగ్యులర్ బెయిల్ కోసం అప్పీల్ చేస్తున్నారు. వాటిని కూడా కోర్టు డినై చేసింది.

నిందితుడు ఎంపీ మిథున్ రెడ్డి

కేసు ఎలా నమోదైందంటే...

ముఖేష్ కుమార్ మీనా (Principal Secretary, Revenue/Excise) సెప్టెంబర్ 2024లో CIDకి ఫిర్యాదు చేశారు. ఇది APSBCL కమిటీ రిపోర్ట్ ఆధారంగా జరిగింది.

SIT (Vijayawada CP SV Rajasekhar Babu నేతృత్వంలో), ED దర్యాప్తు జరుగుతోంది. మనీ ట్రయిల్ ట్రేస్ చేశారు. (రూ. 11 కోట్లు సీజ్, అసెట్స్ అటాచ్) విసిల్‌బ్లోయర్ అలర్ట్‌లు, KPMG పాత్ర (పాలసీ డిజైన్‌లో) వెలుగులోకి వచ్చాయి. రెండు ఛార్జ్‌షీట్‌లు దాఖలు చేసినా సప్లిమెంటరీ చార్జ్ షీట్ వేయనున్నట్లు పోలీసులు తెలిపారు. ఇందులో మరిన్ని వివరాలు వెల్లడయ్యే అవకాశాలు కనిపిస్తున్నాయి. ఇన్వెస్టిగేషన్ క్రూషియల్ స్టేజ్‌లో ఉందని చెప్పొచ్చు. ఇంకా అరెస్ట్‌లు జరిగే అవకాశం కూడా ఉందని సిట్ పోలీసులు చెబుతున్నారు. YSRCP రాజకీయ ప్రతీకారం అని ఆరోపిస్తోంది.

ప్రధాన నిందితుల వివరాలు