కడప:భార్యను చంపి.. ఆపై భర్త ఆత్మహత్య

వల్లూరు మండలం యర్రగుడిపాడు దళితవాడకు చెందిన దంపతులు సుజాత, చెన్నకేశవులు. కుటుంబంలో చెలరేగిన కలహాలత తరచూ వారిద్దరూ గొడవ పడుతున్నట్లు కాలనీ వాసులు చెబుతున్నారు. అదే విధంగా రెండు రోజుల కిందట కూడా వారిద్దరు ఘర్షణ పడ్డారని పోలీసుల ద్వారా తెలిసింది. ఇదిలావుంటే, 

ఆ దంపతుల మధ్య ఏమి జరిగిందో తెలియదు. కానీ సుజాత, చెన్నకేశవులు ఘర్షణ పడ్డారని తెలిసింది. దీంతో ఆగ్రహంతో చెన్నకేశవులు విచక్షణ కోల్పోయి, భార్య సుజాతపై కత్తితో దాడి చేయడమే కాకుండా, ఇష్టానుసారంగా నరకడంతో ఆమె మరణించినట్లు సమాచారం. అదే ఆవేశంలో చెన్నకేశవులు కూడా రైలు కింద పడి ఆత్మహత్యకు పాల్పడ్డాడు. ఈ సంఘటన కమలాపురం ప్రాంతంలో కలకలం రేపింది.

దళితకాలనీ వాసుల ద్వారా సమాచారం అందుకున్న కమలాపురం సీఐ రోషన్ అంబవరం గ్రామాన్ని సందర్శించారు. భర్త చేతిలో దారుణ హత్యకు గురైన సుజాత మృతదేహాన్ని పరిశీలించారు. అలాగే రైలు కింద పడి మరణించిన చెన్నకేశవ ఆత్మహత్య సంఘటనపై రైల్వే పోలీసులు కేసు నమోదు చేశారని సమాచారం. ఈ రెండు సంఘటలపై వల్లూరు పోలీసులు కేసు దర్యాప్తు చేస్తున్నారు. ఈ విషాధ టనకు దారితీసిన పరిస్థితులపై పూర్తి వివరాలు తెలియాలి.