ఏపీలో భారీగా ఐపీఎస్‌ బదిలీలు–14 జిల్లాలకు ఎస్పీలు వీరే

ఆంధ్రప్రదేశ్‌లో కూటమి ప్రభుత్వం భారీ స్థాయిలో ఐపీఎస్‌ బదిలీలు చేపట్టింది. జిల్లాలకు ఎస్సీలను నియమించడంలో మిశ్రమ విధానాన్ని అనుసరించింది. ఇప్పటికే ఐఏఎస్, ఐఎఫ్‌ఎస్‌ అధికారులను బదిలీలు చేసిన కూటమి ప్రభుత్వం తాజాగా ఐపీఎస్‌ అధికారులను బదిలీలు చేసింది. 14 జిల్లాలకు నూతన ఎస్పీలను నియమించింది. ఏడు జిల్లాలకు నూతన ఎస్పీలను నియమించిన ప్రభుత్వం..మరో ఏడు జిల్లాలకు ఇతర జిల్లాల నుంచి బదిలీలు చేసింది. మరో 12 జిల్లాలకు ప్రస్తుతం ఉన్న ఐపీఎస్‌ అధికారులనే ఎస్పీలుగా కొనసాగించింది. ఆ మేరకు డీజీపీ హరీష్‌ కుమార్‌ గుప్తా శనివారం సాయంత్రం ఉత్తర్వులు జారీ చేశారు.