దివ్యాంగులకు గుర్తింపు కార్డులు

శుక్రవారం అమరావతి సచివాలయంలో దివ్యాంగులు, వయోవృద్ధుల సంక్షేమంపై సంబందిత అధికారులతో మంత్రి సమీక్ష నిర్వహించారు. సదరం సర్టిఫికేట్లు, పీఎంజేఏవై వందన వయోవృద్ధుల హెల్త్‌ స్కీమ్‌పై చర్చించారు. ఈ సందర్భంగా మంత్రి డోలా బాల వీరాంజనేయస్వామి మాట్లాడుతూ.. గ్రామ సచివాలయాలు, మీసేవ కేంద్రాలతో పాటు మనమిత్ర వాట్సాప్‌ గవర్నెన్స్‌ ద్వారా సదరం స్లాట్‌ బుకింగ్‌కి చర్యలు చేపట్టాలి. స్లాట్‌ బుకింగ్‌ చేసుకున్న రోజు నుంచి నెల రోజుల లోపు సదరం సర్టిఫికెట్లు ఇచ్చేలా చర్యలు తీసుకోవాలని అధికారులను ఆదేశించారు. సుదూర ప్రాంతాలు, గిరిజన తండాల నుంచి వచ్చే దివ్యాంగులకు ఇబ్బందులు లేకుండా సదరం క్యాంపులు నిర్వహించాలని సూచించారు. అంగవైకల్య శాతం, దివ్యాంగుల వివరాలు ఆధారంగా గుర్తింపు కార్డులు తయారీ, జారీ చేసేందుకు అధికారులు చర్యలు చేపట్టాలని అధికారులను ఆదేశించారు.