BREAKING | లారీని ఢీకొన్న వ్యాన్..నలుగురి మృతి
శ్రీవారి దర్శనం చేసుకున్నారు. ఇంటికి చేరేలోపు నలుగురు కాటికి వెళ్లారు. ఇంకొందరు గాయపడ్డారు.
By : SSV Bhaskar Rao
Update: 2024-12-21 03:03 GMT
కుటుంబ సభ్యులు, బంధువులు. అంతా కలిసి తిరుమల శ్రీవారిని దర్శనం చేసుకున్నారు. ఆ ఆనందంలో శుక్రవారం రాత్రి మినీవ్యాన్ లో ఇళ్లకు బయలుదేరారు. ఇంకొన్ని గంటల్లో ఇంటికి చేరబోతున్నారు. జాతీయ రహదారిపై ఆగి ఉన్న లారీని ఈ యాత్రికుల ప్రయాణిస్తున్న మినీ వ్యాన్ ఢీకొంది. శనివారం వేకువజామున జరిగిన ఈ ప్రమాదంలో నలుగురు అక్కడికక్కడే మరణించగా, ఇంకొంతమంది తీవ్రంగా గాయపడినట్లు సమాచారం అందింది. గాయపడిన కొందరిని బెంగళూరు ఆసుపత్రికి చికిత్సకు తరలించినట్లు తెలుస్తోంది. ఈ ప్రమాదం జరిగిన నేపథ్యంలో జాతీయ రహదారిపై ట్రాఫిక్ కూడా స్తంభించింది. సమాచారం అందుకున్న పోలీసులు, బాధితులను ఆస్పత్రులకు తరలించడానికి సహకారం అందించినట్లు తెలుస్తోంది.
అనంతపురం జిల్లా మడకశిర మండలం బుల్లసముద్రం వద్ద శనివారం వేకువ జామునజరిగిన రోడ్డు ప్రమాద సంఘటన వివరాలు ఇవి.
మడకశిర నియోజకవర్గంలోని వివిధ ప్రాంతాలకు చెందిన బంధువులు తిరుమల శ్రీవారి దర్శనానికి శుక్రవారం వచ్చినట్లు తెలిసింది. దర్శనం అనంతరం వారంతా మినీవ్యాన్ లో సబ్ ప్రాంతాలకు బయలుదేరారు. తిరుమలలో శ్రీవారి దర్శనం. తిరిగి అలసటకు గురైన వారంతా గాఢనిద్రలో ఉన్నారు. వీరు ప్రయాణిస్తున్న మినీవ్యాన్ నడుపుతున్న డ్రైవర్ కూడా అలసినట్లు తెలుస్తోంది. శనివారం మీరు ప్రయాణిస్తున్న మినీవ్యాన్ బుళ్లసముద్రం సమీపంలో జాతీయ రహదారిపై ఆగి ఉన్న లారీని ఢీకొట్టడంతో నలుగురు అక్కడికక్కడే మృతి చెందినట్లు ప్రాథమిక సమాచారం అందింది. ప్రమాదం జరిగే సమయానికి మినీవ్యాన్ లో 14 మంది యాత్రికులు ప్రయాణిస్తున్నట్లు తెలుస్తోంది. వేకువజాముకావడం, డ్రైవర్ అలసట, మంచు వల్లనో తెలియదు కానీ.. యాత్రికులు ప్రయాణిస్తున్న విని ఫ్యాన్ లారీని ఢీకొన్న ధాటికి చాలామంది తీవ్రంగా గాయపడినట్లు సమాచారం.
ఈ ప్రమాదంలో మరణించిన నలుగురిని గుర్తించినట్లు తెలుస్తోంది. మడకశిర నియోజకవర్గం గుడిబండ, అమలాపురం మండలాలకు చెందిన వ్యక్తులుగా భావిస్తున్నారు. ఈ ప్రమాదంలో గాయపడిన వారిని చికిత్స కోసం బెంగళూరుకు తరలించినట్లు ఇప్పటివరకు అందిన సమాచారాన్ని బట్టి తెలిసింది.