P4 రిజిస్ట్రేషన్ బహిష్కరణకు టీచర్ల పిలుపు

ఆంధ్రప్రదేశ్ ఉపాధ్యాయ సంఘాల సమాఖ్య(FAPTO)P4 రిజిస్ట్రేషన్ల బహిష్కరణకు పిలుపునిచ్చింది.ఉపాధ్యాయులపై ప్రభుత్వం వత్తిడి తేవడం తగదంటూ ఫ్యాక్టో ఛైర్మన్ సాయి శ్రీనివాస్ , సెక్రటరీ జనరల్ చిరంజీవి ప్రకటన విడుదల చేశారు.ఉపాధ్యాయులను నిర్భంధించాలని చూడటం దారుణమన్నారు.ప్రభుత్వ చర్యను ఖండిస్తూ రిజిస్ట్రేషన్ ప్రక్రియ చేయవలసిన అవసరం లేదని ఉపాధ్యాయులకు పిలుపునిచ్చారు. పీ4 అనేది ఆర్ధికంగా శ్రీమంతులకు సంబంధించిన వ్యవహారమని ప్రభుత్వం ఉపాధ్యాయులను ఆ గాడీలో కట్టడం దారుణమని విమర్శించారు.

రాష్ట్రంలో పేదరిక నిర్మూలనలో భాగంగా చంద్రబాబు ప్రభుత్వం పీ4 పథకాన్ని ప్రవేశ పెట్టింది. ఆర్ధికంగా బాగా వున్నవారు, పారిశ్రామిక వేత్తలు పేదరికంలో వున్న బంగారు కుటుంబాలను దత్తత తీసుకోవాలని కోరింది. ఈ పథకానికి మంచి స్పందన వస్తోందని ప్రభుత్వం చెబుతోంది.