ఏపీ మద్యం కేసులో తెరపైకి వైసీపీ మరో ముఖ్యనేత పేరు

ఏపీ మద్యం కేసులో సిట్ అధికారులు తవ్వే కొద్దీ కొత్తపేర్లు వెలుగులోకి వస్తున్నాయి.తాజాగా మరో వైపీపీ ముఖ్య నేత పేరు తెర మీదకు వచ్చింది. దర్శి వైసీపీ ఎమ్మెల్యే బూచేపల్లి పేరు ను సిట్ ఛార్జ్ షీట్ లో ప్రస్తావించింది. ఛార్జ్ షీట్ లో కీలక అంశాలను ప్రస్తావించింది.గత ఎన్నికల్లో ఓటర్లకు పంపిణీ చేసేందుకు మద్యం ముడుపుల సొమ్మును ఆయనకు అందచేసినట్లు సిట్ దర్యాప్తులో తేలింది. తాజాగా దాఖలు చేసిన రెండో అనుబంధ అభియోగపత్రంలో మే 13న సార్వత్రిక ఎన్నికల పోలింగ్ జరగ్గా, కొద్ది రోజుల ముందు అంటే ఏప్రిల్ 21,22 తేదీల్లో చెవిరెడ్డి, బాలాజీ కుమార్ యాదవ్ ప్రకాశ్ జిల్లా పొదిలిలో ఉన్నట్లు సిట్ అభియోగ పత్రంలో పేర్కొంది. అదే సమయంలో బాలాజీ కుమార్ యాదవ్ పలుమార్లు శివప్రసాద్ రెడ్డి తో ఫోన్ కాల్స్ మాట్లాడారని వెల్లడించింది.