ఏపీలో కోవిడ్‌ కేసులు పెరుగుతున్నాయి.. జాగ్రత్తగా ఉండాలి

మాస్కులు, పీపీఈ కిట్లు అందుబాటులో ఉంచాలని వైద్యాధికారులను మంత్రి ఆదేశించారు. ఎలాంటి పరిస్థితులనైనా ఎదుర్కోవడానికి ప్రభుత్వ యంత్రాంగం సిద్ధంగా ఉండాలని ఆదేశించారు, ముఖ్యంగా ప్రభుత్వ ఆసుపత్రుల్లో కోవిడ్‌ను ఎదుర్కోవడానికి అన్ని ఏర్పాట్లు చేయాలని, మెరుగైన వైద్య సేవలు అందించేందుకు వైద్యపరికారాలు అందుబాటులో ఉండేలా చూడాలని వైద్యాధికారులకు మంత్రి పార్థసారథి ఆదేశాలు జారీ చేశారు. అధికారులంతా సమన్వయం చేసుకుంటూ ప్రత్యేక పర్యవేక్షణతో పనిచేయాలన్నారు, కోవిడ్‌ను ఎదుర్కోవడానికి గ్రామ, మండల స్థాయి ప్రభుత్వ అధికారులు ప్రజల్లో అవగాహన కల్పించి తగిన జాగ్రత్తలు తీసుకొనేలా చూడాలని ఆదేశించారు, క్షేత్ర స్థాయిలో పర్యవేక్షించి అన్ని రకాల వైద్య పరీక్షలు నిర్వహించాలని వైద్యాధికారులకు మంత్రి పార్థసారథి సూచించారు. ప్రజలంతా మాస్క్‌ ధరించడం, శానిటేషన్‌ వాటడం వంటి జాగ్రత్తలు తీసుకోవాలని, తద్వారా కోవిడ్‌ మహమ్మారిని ఎదుర్కోవచ్చన్నారు.