TTD | టీటీడీలో మలిదశ ప్రక్షాళన

రాష్ట్ర ప్రభుత్వం తిరుమల తిరుపతి దేవస్థానం ( tirumala Tirupati devasthanam- TTD) లో మరోసారి ప్రక్షాళనకు ఉపక్రమించాల్సిన అనివార్యమైన పరిస్థితి ఏర్పడింది. వైసీపీ పాలనలో తీసుకున్న నిర్ణయాలను కూటమి ప్రభుత్వం అధికారం రాగానే సమీక్షించిన విషయం తెలిసిందే. అందులో భాగంగానే అన్నదానం, శ్రీవారి లడ్డూ ప్రసాదంలో నాణ్యత పెంపుదలకు శ్రద్ధ తీసుకున్నారు. అయితే, తొక్కిసలాట ఘటన తరువాత తమ ప్రభుత్వ కాలంలోనే అధికారుల నియామకంలో తీసుకున్న నిర్ణయాల తోపాటు కొన్ని పరిపాలనా వ్యవహారాలను సమీక్షించడం ద్వారా ప్రక్షాళనతో దిద్దుబాటు చర్యలకు దిగింది. అందులో భాగంగా,

తిరుపతి తొక్కిసలాటలో ఆరుగురు మృతి చెందిన ఘటన నేపథ్యంలో ఇద్దరు అధికారులపై బదిలీ వేటు వేసిన విషయం తెలిసిందే .

మళ్లీ మరో ఇద్దరు కీలక అధికారులను బదిలీ చేయనున్నట్లు సమాచారం. ఇప్పటికే బదిలీ చేసిన వారి స్థానంలో టీటీడీ సీవీఎస్ఓగా చిత్తూరు ఎస్పీ మణికంఠ చందోలుకు అదనపు బాధ్యతలు అప్పగించింది.  ఉమ్మడి చిత్తూరు జిల్లా ఎస్పీ మణికంఠ చందోలు ఆదివారం మధ్యాహ్నం టీటీడీ సివిఎస్ఓ (chief vigilance and security officer) గా బాధ్యతలు స్వీకరించారు. తిరుమల వైకుంఠ ద్వార దర్శనం టికెట్ల జారీకి తిరుపతిలో 8 కేంద్రాలు ఏర్పాటు చేసిన విషయం తెలిసిందే. వాటిలో బైరాగిపట్టెడ సమీపంలోని రామానాయుడు మున్సిపల్ హై స్కూల్ వద్ద జరిగిన తొక్కిసలాటలో ఆరుగురు మరణించారు. దాదాపు 43 మంది గాయపడ్డారు. ఈ దుర్ఘటనపై తిరుపతిలో స్వయంగా సమీక్షించిన సీఎం ఎన్ . చంద్రబాబు సివిఎస్ఓ గా ఉన్న శ్రీధర్, తిరుపతి ఎస్పీ ఎల్ సుబ్బారాయుడును బదిలీ చేసిన విషయం తెలిసిందే. ఆ స్థానంలో తాత్కాలికంగా చిత్తూరు ఎస్పీ మణికంఠ చందోలు కు అదనపు బాధ్యతలు అప్పగించడం ద్వారా భద్రత ఏర్పాట్లకు లోపం లేకుండా సీఎం చర్యలు తీసుకున్నారు. ఎందుకంటే..