ప్రధానమంత్రి పదవికి రాజీనామా చేయబోతున్న ‘జస్టిన్ ట్రూడో’?

దేశంలో, పార్టీలో తీవ్ర వ్యతిరేకత ఎదుర్కొంటున్న కెనడా ప్రధానమంత్రి జస్టిన్ ట్రూడో తన పదవికి రాజీనామా చేయబోతున్నట్లు స్థానిక మీడియా వార్తలు ప్రచురించింది. అధికారంలో ఉన్న లిబరల్ పార్టీ అంతర్గత సమావేశం ఎల్లుండి అంటే బుధవారం జరగబోతోంది. అందులో ట్రూడో ను పదవి నుంచి బలవంతంగా దింపే అవకాశాలు ఉండటంతో ఆయనే స్వయంగా తప్పుకుంటానని ప్రకటించే అవకాశం ఉందని గ్లోబ్ అండ్ మెయిల్ ఆదివారం వార్తను ప్రచురించింది.