ఓటీటీలో ప్రూవ్ అవకపోతే…రెమ్యునేషన్స్ లేవ్ !

ఒకప్పుడు నిర్మాతలు కథ చదివిన తర్వాత అడిగేవారు – "హీరో బాక్సాఫీస్ ఓపెనింగ్ ఎంత?" అని.

కానీ ఇప్పుడు ఆ ప్రశ్న మారిపోయింది – "ఓటీటీలో సదరు హీరో మార్కెట్ ఎలా ఉంది?"

సినిమా బిజినెస్ మారిన ఈక్వేషన్ ఇది.

ఇప్పుడు స్క్రీన్ మీద కాకుండా... స్క్రీన్‌ల మధ్యే హీరోల రేసు!

ఒకప్పుడు "బాక్సాఫీస్ బ్లాక్‌బస్టర్" అనే పదమే సినిమా విజయం నిర్ధారించేది. కానీ ఇప్పుడు... సినిమా బిజినెస్ పూర్తిగా మరో దిశలో పయనిస్తోంది. నాన్-థియేట్రికల్ ఆదాయ మార్గాలు — ముఖ్యంగా ఓటీటీ, శాటిలైట్, మ్యూజిక్, డబ్బింగ్ రైట్స్ — ఇవే సినిమా విజయానికి బలమైన పునాది గా నిర్ణయించబడుతున్నాయి.

ఓటీటీ యుగంలో సినిమా బిజినెస్ — “Open before Opening!”

నిర్మాతలు ఇప్పుడు సినిమా థియేటర్‌లో రిలీజ్ అయ్యేలోపు 60–70% బిజినెస్ రికవర్ చేసేస్తున్నారు. ఎలా?

OTT రైట్స్ (Amazon, Netflix, Hotstar, JioCinema…)

శాటిలైట్ హక్కులు (Gemini, Star Maa, Zee Telugu…)

డబ్బింగ్ & రీమేక్ రైట్స్

ఆడియో/మ్యూజిక్ డీల్స్

ఈ అన్ని కలిపి ఓ సినిమాకు ఆర్దిక పునాది అందిస్తున్నాయి.

“Movies are no longer just stories. They are assets with multiple revenue streams.”

— Harvard Business Review on Media Monetization

“సినిమా రిలీజ్ అయితే చాలు, డబ్బు వచేస్తుంది” అన్న కాలం గడిచిపోయింది. ఒక స్టార్ హీరో సినిమా ఫెయిల్ అయితే, 100 నుంచి 150 కోట్లు నష్టంగా మిగులుతోంది. దాంట్లో 30–40 కోట్లు రెమ్యూనరేషన్‌కే వెళ్తే... నిర్మాతలకు మొదటినుంచే వెనకడుగు వేయాల్సిన స్థితి.

ఈ మారిన వాస్తవాల నడుమ... కొత్త విధానాన్ని ముందుకు తెస్తున్నారు నిర్మాతలు. అందుకు కొందరు హీరోలు సపోర్ట్ చేయాల్సిన సిట్యువేషన్ క్రియేట్ అవుతోంది. తాజాగా నితిన్ నటిస్తున్న ‘తమ్ముడు’ సినిమా ట్రైలర్ లాంచ్ ఈవెంట్‌లో దిల్ రాజు చెప్పిన మాటలే ఇందుకు ఉదాహరణ.

దిల్ రాజు మాట్లాడుతూ..."నితిన్, డైరెక్టర్ వేణు శ్రీరామ్‌ ఇద్దరూ ఈ సినిమా కోసం రూపాయి కూడా తీసుకోలేదు. హిట్ అయ్యాకే రెమ్యూనరేషన్ ఇవ్వమని చెప్పారు." అన్నారు. దీని వెనుక కారణం కూడా దిల్ రాజు బహిరంగంగానే చెప్పారు: "నాన్-థియేట్రికల్ బిజినెస్ పడిపోయింది."

అంటే సినిమా రిలీజ్ కు ముందే జరిగే డిజిటల్-శాటిలైట్ బిజినెస్ బలహీనపడితే, ఆ సినిమా లాభాలు మీదే సందేహాలు తలెత్తుతున్నాయి.

OTT – ఇప్పుడు ఇండస్ట్రీని డిజిటల్‌గా షేప్ చేస్తున్న శక్తి.

OTT సంస్థలు ఇప్పుడు బాక్సాఫీస్ ఓపెనింగ్స్ కంటే... డేటా ఆధారంగా వ్యూయర్ ట్రెండ్స్, ఎంగేజ్‌మెంట్, రిటెన్షన్ వంటి అంశాల్ని చూసి హీరోలు ఎంత పాపులర్ అనేది నిర్ణయిస్తున్నాయి.

“Content is King, but Data is the Emperor.”

ఒక సినిమా సెట్లోకి వెళ్లకముందే, దాదాపుగా 60-70% బిజినెస్ లాక్ అయిపోవడం ఇప్పుడు సాధారణం.

ఈ నేపధ్యంలో హీరో బ్రాండ్ వాల్యూ ఇప్పుడిలా కొలుస్తున్నారు:

OTT ప్లాట్‌ఫామ్స్‌లో వ్యూయర్ డిమాండ్

హిందీ డబ్బింగ్/రీమేక్ మార్కెట్ వాల్యూ

టీవీ ప్రీమియర్‌లకు TRP రేటింగ్స్

సోషల్ మీడియా వైరల్ కంటెంట్

“Cinema is no longer about the big screen. It’s about big access.”

థియేటర్‌లో ఒక్కసారి చూసే ప్రేక్షకుడికంటే, ఓటీటీలో మూడు సార్లు చూసే వ్యక్తే ఇప్పుడు ఇండస్ట్రీకి అవసరం.

ఇది హీరోలకి, దర్శకులకి ఒక స్పష్టమైన వేకప్ కాల్.

పాత లెక్కలతో పెద్ద రెమ్యూనరేషన్ అడిగితే, నిర్మాతలు వెనక్కి తగ్గుతున్నారు.

వాళ్లకు ఇప్పుడు కావలసింది:

✅ థియేటర్లో ఓపెనింగ్

✅ OTTలో రీచబిలిటీ

✅ టీవీ ప్రీమియర్ ఇంపాక్ట్

✅ మల్టీ-లాంగ్వేజ్ మార్కెట్ ఎక్స్‌పాంశన్

స్టార్ సిస్టమ్ ఇప్పుడు సిల్వర్ స్క్రీన్ మీద కాదు… డిజిటల్ స్క్రీన్ మీద రూపొందుతోంది.

“A Star is not born from applause anymore. He’s made from streams, ratings and shares.”

చివరగా…

దిల్ రాజు వ్యాఖ్యలు కేవలం ఒక అభిప్రాయం కాదు — తెలుగు సినిమా మారుతున్న దిశకు టర్నింగ్ పాయింట్. ఎవరు ఈ మార్పును అంగీకరిస్తారో వాళ్లే ముందుకు సాగగలుగుతారు. మిగతావారు మాత్రం... కొత్త తరం మార్కెట్‌లో నిలవలేరు.