కూటమి గెలుపుపై అంబటి ఏమన్నారంటే..
ఆంధ్రప్రదేశ్‌లో టీడీపీ కూటమి ఘన విజయం సాధించింది. పలు జిల్లాల్లో క్లీన్ స్వీప్ చేసింది. వైసీపీకి ప్రతిపక్ష హోదా కూడా దక్కకుండా చిత్తు చేసింది. తాజాగా కూటమి గెలుపుపై అంబటి రాయుడు స్పందించారు. ఈరోజు ఆంధ్రప్రజలు విజయం సాధించారు. ‘‘టీడీపీ కూటమి సాధించిన విజయం ప్రజలది. జనసేన, బీజేపీ, టీడీపీలకు అభినందనలు. రాష్ట్రాన్ని అభివృద్ధి, సామరస్య మార్గంలో నడిచేలా చంద్రబాబు, పవన్ కల్యాణ్.. రాష్ట్రాన్ని ఏకం చేశారు. ఆంధ్రప్రదేశ్‌కు మంచిరోజులు వస్తున్నాయి. నారాలోకేష్ చేపట్టిన యువగళం యాత్ర కూటమి గెలుపులో కీలక పాత్ర పోషించింది’’ అని ఎక్స్‌ వేదికగా పోస్ట్ పెట్టారు.
ఘన విజయం సాధించిన అదితి గజపతిరాజు
విజయనగరం నియోజకవర్గంలో ఘన విజయం సాధించిన అదితి గజపతిరాజు
మొదటిసారిగా 50 వేలుకు పైగా మెజార్టీ
రికార్డు సృష్టించిన అదితి.. 57669 ఓట్ల మెజార్టీ
ఘోర ఓటమిని మూటగట్టుకున్న డిప్యూటీ స్పీకర్ కోలగట్ల
పోస్టల్ బాలెట్ ఓట్ల లెక్కింపు తేలాల్సి ఉంది
బొత్స‌కు ఘోర పరాజయం
విజయనగరం జిల్లా చీపురపల్లి నియోజకవర్గంలో వైసీపీ మంత్రి, అభ్యర్థి బొత్స సత్యనారాయణ ఘోర పరాజయాన్ని చవి చూశారు. ఆయన ప్రత్యర్థి, టీడీపీ అభ్యర్థి కళా వెంకట్రావు ఘన విజయం సాధించారు. ఈ నేపథ్యంలో కళా వెంకట్రావు అనుచరులు సంబరాలు చేసుకుంటున్నారు.
జగన్ ఘన విజయం
పులివెందులలో సీఎం జగన్ ఘన విజయం. 61,169 ఓట్ల మెజార్టీతో గెలిచిన జగన్.
ఉమ్మ‌డి నెల్లూరు జిల్లాలో స్వీప్ దిశగా టీడీపీ
ఆత్మ‌కూరు, స‌ర్వేప‌ల్లి, గూడూరు, వెంకటగిరిలో హోరాహోరీ పోటీలో విజ‌య ఢంకా మోగించిన టిడిపి అభ్య‌ర్థులు....
నెల్లూరు పార్ల‌మెంట్ స్థానాన్ని భారీ మెజారిటీతో కైవ‌సం చేసుకోబోతున్న తెలుగుదేశం....
గ‌తంలో ఎన్న‌డూ లేనివిధంగా ఎంపి సీటుతోపాటూ 10 అసెంబ్లీ స్థానాల‌ను త‌న ఖాతాకీ రెడీ అయిన తెలుగుదేశం పార్టీ...
హ్యాట్రిక్ కొట్టి చిన రాజప్ప
పెద్దాపురంలో హ్యాట్రిక్ విజయం సాధించిన టీడీపీ అభ్యర్థి నిమ్మకాయల చిన రాజప్ప.
జనసేనకు పర్మినెంట్ సింబల్‌గా గాజు గ్లాసు
పోటీ చేసిన 2 లోక్‌ సభ స్థానాల్లోనూ గెలుపు దిశగా జేఎస్పీ. జనసేనకు శాశ్వత గుర్తుగా మారనున్న గాజు గ్లాస్‌. ఏపీ అసెంబ్లీలో రెండో పెద్ద పార్టీగా అవతరించిన జనసేన.
విశాఖ ఎంపీగా టీడీపీ అభ్యర్థి విజయం
టీడీపీ అభ్యర్థి శ్రీభరత్‌ విజయం. 2.84 లక్షల ఓట్ల మెజార్టీతో గెలిచిన శ్రీభరత్‌.
డోన్‌లో మంత్రి బుగ్గన ఓటమి
డోన్ అసెంబ్లీ నియోజకవర్గంలో టీడీపీ గెలుపు.. మంత్రి బుగ్గనపై 6,450 ఓట్ల మెజార్టీతో కోట్ల సూర్యప్రకాష్‌రెడ్డి గెలుపు
శ్రీకాకుళం జిల్లా ఆముదాలవలసలో టీడీపీ విజయం.. స్పీకర్ తమ్మినేని సీతారాంపై 33,285 ఓట్ల మెజార్టితో టీడీపీ నేత కూన రవికుమార్ గెలుపు