ఇక నుంచి ఉమెన్ బైక్ రైడర్లు.. మహిళల కోసం మాత్రమేనంట

ఉబెర్ ఒక ప్రకటనలో.. ఈ ఆన్-డిమాండ్ టూ-వీలర్ సర్వీస్ మహిళా డ్రైవర్‌లతో మహిళా రైడర్‌లను సురక్షితంగా గమ్యస్థానాలకు చేరుస్తుందని మహిళా బైక్ రైడర్లతో వారికి జీవనోపాధి కల్పించినట్లు అవుతుందని అభిప్రాయపడింది.

"మహిళా రైడర్లు - డ్రైవర్ల నుంచి ఫీడ్‌బ్యాక్ ఆధారంగా ఈయాప్ ను అభివృద్ధి చేస్తామని, ఉబెర్ మోటో ఉమెన్ మహిళా డ్రైవర్లతో ప్రయాణించడానికి ఇష్టపడే మహిళలకు సురక్షితమైన, సరసమైన, సౌకర్యవంతమైన ప్రయాణాన్ని అందిస్తుంది" అని కంపెనీ పేర్కొంది.

ఉబెర్ ఇండియా, దక్షిణాసియా రీజినల్ బిజినెస్ ఆపరేషన్స్ హెడ్ అభిషేక్ పాధ్యే మాట్లాడుతూ, "ఉబెర్ మోటో ఉమెన్‌తో, మేము మహిళలకు సురక్షితమైన, మరింత సౌకర్యవంతమైన రైడ్ అందించడమే కాకుండా, మహిళా డ్రైవర్‌లకు సులభంగా సంపాదించే అవకాశం కల్పిస్తున్నాము.

దేశంలో అత్యంత వేగంగా అభివృద్ధి చెందుతున్న మొబిలిటీ సెగ్మెంట్‌లలో ఒకటైన బెంగళూరు ఎల్లప్పుడూ ఆవిష్కరణలను స్వీకరించడంలో ముందుంది. కొత్త బెంచ్‌మార్క్‌ను సెట్ చేయడానికి ఈ సేవను ఇక్కడ ప్రారంభించడం గర్వంగా ఉంది." అన్నారు.

కంపెనీ ప్రకారం.. 'ఉబర్ మోటో ఉమెన్' ఈరోజు నుంచి బెంగళూరులోని అన్ని ప్రధాన ప్రాంతాలలో అందుబాటులో ఉంటుంది. రైడర్‌లు తమ ట్రిప్ వివరాలను రియల్ టైమ్-లోకేషన్ ట్రాకింగ్ చేసుకోవచ్చు. అయితే వినియోగదారుల గోప్యత దృష్ట్యా వారి వివరాలు రహస్యంగా ఉంచుతామని అన్నారు.

Uber తయారుచేసిన ప్రోయాక్టివ్ సేఫ్టీ ఫీచర్, RideCheck, లాంగ్ స్టాప్‌లు, మిడ్-వే డ్రాప్స్ లేదా రూట్ డివియేషన్స్ వంటి అక్రమాలను పర్యవేక్షిస్తుంది. అవసరమైనప్పుడు సపోర్ట్ అందిస్తుంది. మహిళా రైడర్‌లు, డ్రైవర్‌లు కూడా Uber లో 24x7 సేఫ్టీ హెల్ప్‌లైన్‌కి యాక్సెస్‌ను ఉంటుందని తెలిపారు. ఇది అవసరమైనప్పుడు మహిళలకు మద్దతును అందిస్తుందన్నారు.

దేశంలో రైడ్-హెయిలింగ్ ప్రదేశంలో మహిళల భాగస్వామ్యం తక్కువగా ఉండటంతో, 'ఉబర్ మోటో ఉమెన్' ఎక్కువ మంది మహిళలను డ్రైవింగ్ చేయడానికి ప్రోత్సహించగలదని కంపెనీ పేర్కొంది.