రామమందిర చరిత్రను డాక్యుమెంటరీగా తీసిన ప్రముఖ దర్శకుడు
ప్రముఖ దర్శకుడు అయోధ్య రామమందిర చరిత్రను ఐదు భాగాలుగా డాక్యుమెంటరీ రూపంలో చిత్రీకరించారు.
ప్రముఖ దర్శకుడు ప్రియదర్శన్ అయోధ్య రామమందిర చరిత్రను ఐదు భాగాలుగా డాక్యుమెంటరీ పూర్తి చేశారు. మీడియాకు విడుదల చేసిన ఓ ప్రకటనలో ఈ మేరకు ప్రియదర్శన్ వివిరంచారు. ఆలయ చరిత్రను డాక్యుమెంటరీ రూపంలో తీయడానికి తనకు ఆహ్వానం అందిందని వివరించారు.
ఈ ఆహ్వానాన్ని నేను సంతోషంగా స్వీకరించాను. ఎంతో ఉత్సాహంతో పని చేశానన్నారు. స్క్రిప్ట్ “చాలా ఆసక్తికరంగా” ఉందని, గత 500 సంవత్సరాల ఆలయ చరిత్ర, “రాముడు తన పవిత్ర జన్మస్థలానికి తిరిగి రావడానికి చేసిన తీవ్రమైన పోరాటాన్ని” డాక్యుమెంట్-సిరీస్ ప్రదర్శిస్తుందని వెల్లడించారు.
ఈ డాక్యుమెంట్-సిరీస్‌ని రూపొందించడానికి దూరదర్శన్‌తో ప్రియదర్శన్ భాగస్వామ్యం అయ్యారు. ఇందుకోసం 60 రోజుల పాటు నిరంతరాయంగా భక్తితో పనిచేసినట్లు తెలిపారు. ఆలయ నిర్మాణం కావడానికి జరిగిన ప్రయత్నాలు, ప్రయాణాలు ప్రభావంతంగా చిత్రీకరించడానికి చాలా జాగ్రత్తగా పనిచేశానని ప్రియదర్శన్ వివరించారు.