కేజ్రీవాల్ తరచూ నేరాలు చేసే వ్యక్తి కాదు: సుప్రీంకోర్టు

ఢిల్లీ లిక్కర్ స్కాంలో అరెస్ట్ అయి, జైలులో ఉన్న సీఎం అరవింద్ కేజ్రీవాల్ దాఖలు చేసిన మధ్యంతర బెయిల్ పిటిషన్ పై మంగళవారం సర్వోన్నత న్యాయస్థానం విచారణ చేపట్టింది. ఈ సందర్భంగా సుప్రీంకోర్టు కీలక వ్యాఖ్యలు చేసింది. కేజ్రీవాల్ తరచూ నేరాలు చేసే వాడు కాదని వ్యాఖ్యానించింది.

ప్రస్తుతం జరుగుతున్న లోక్ సభ ఎన్నికల దృష్ట్యా తన పార్టీ తరఫున ప్రచారం చేయడానికి ఆప్ నాయకుడికి మధ్యంతర బెయిల్ ఇచ్చే అంశాన్ని పరిశీలిస్తామని ఇంతకుమందే న్యాయస్థానం వెల్లడించింది. వాస్తవానికి కేజ్రీవాల్ తన అరెస్టుకు వ్యతిరేకంగా దాఖలు చేసిన పిటిషన్‌పై విచారణ జరుపుతోంది. అయితే దానిపై విచారణ ఆలస్యం అయ్యే అవకాశం ఉండటంతో మధ్యంతర బెయిల్ పిటిషన్ పై విచారణ చేపట్టింది.