..జై జవాన్, జై కిసాన్, జై ఖిలాడీ అంటూ ప్రమాణ స్వీకారం ముగించెందెవరు?

హర్యానా ముఖ్యమంత్రి నయాబ్ సింగ్ సైనీతో పాటు కొత్తగా ఎన్నికైన ఎమ్మెల్యేలు శుక్రవారం అసెంబ్లీ సభ్యులుగా ప్రమాణం చేశారు. ప్రొటెం స్పీకర్, కాంగ్రెస్ సీనియర్ నేత రఘువీర్ సింగ్ కడియన్ శాసనసభ్యులతో ప్రమాణం చేయించారు. సైనీ అక్టోబర్ 17న పంచకులలో సీఎంగా ప్రమాణం చేసిన విషయం తెలిసిందే.

సైనీ తర్వాత అంబాలా కాంట్ నుంచి ఏడుసార్లు ఎమ్మెల్యేగా ఎన్నికైన అనిల్ విజ్, ఇస్రానా ఎమ్మెల్యే క్రిషన్ లాల్ పన్వార్, బాద్షాపూర్ ఎమ్మెల్యే రావ్ నర్బీర్ సింగ్, పానిపట్ రూరల్ ఎమ్మెల్యే మహిపాల్ ధండా, ఫరీదాబాద్ శాసనసభ్యుడు విపుల్ గోయెల్, గోహనా ఎమ్మెల్యే అరవింద్ శర్మ, రాదౌర్ ఎమ్మెల్యే శ్యామ్ సింగ్ రాణాతో ప్రొటెం స్పీకర్ ప్రమాణం చేయించారు.

మంత్రుల్లో బర్వాలా ఎమ్మెల్యే రణబీర్ గాంగ్వా, నర్వానా ఎమ్మెల్యే క్రిషన్ కుమార్ బేడీ, తోషమ్ ఎమ్మెల్యే శ్రుతి చౌదరి, అటెలి ఎమ్మెల్యే ఆర్తీ సింగ్ రావు, తిగావ్ ఎమ్మెల్యే రాజేష్ నగర్, పల్వాల్ శాసనసభ్యుడు గౌరవ్ గౌతమ్‌తో రఘువీర్ సింగ్ ప్రమాణ స్వీకారం చేయించారు. బేడీ సంస్కృతంలో ప్రమాణం చేయగా, చౌదరి ఆంగ్లంలో ప్రమాణం చేశారు.

మంత్రి మండలి అనంతరం మహిళా ఎమ్మెల్యేలతో ప్రమాణం చేయించారు రఘువీర్ సింగ్. వీరిలో బీజేపీ ఎమ్మెల్యే బిమ్లా చౌదరి, కాంగ్రెస్ ఎమ్మెల్యే, మాజీ మంత్రి గీతా భుక్కల్, బీజేపీ ఎమ్మెల్యే కృష్ణ గహ్లావత్, కాంగ్రెస్ ఎమ్మెల్యే మంజు చౌదరి, కాంగ్రెస్ ఎమ్మెల్యే పూజ, స్వతంత్ర ఎమ్మెల్యే సావిత్రి జిందాల్, బీజేపీ ఎమ్మెల్యే శక్తి రాణి శర్మ, కాంగ్రెస్ ఎమ్మెల్యే శకుంత్లా ఖటక్, కాంగ్రెస్ ఎమ్మెల్యే, ఒలింపియన్ రెజ్లర్ వినేష్ ఫోగట్ ఉన్నారు.

స్పోర్ట్స్ జెర్సీ ధరించిన ఫోగట్ ప్రమాణ స్వీకారం చేసిన తర్వాత 'జై జవాన్, జై కిసాన్, జై ఖిలాడీ, జై నౌజవాన్ జై హర్యానా' అని అన్నారు. ఎమ్మెల్యేల ప్రమాణ స్వీకారం ఇంకా కొనసాగుతూనే ఉంది. నిర్మల్ సింగ్, ఘనశ్యామ్ సరాఫ్, కపూర్ సింగ్, సత్పాల్ సంగ్వాన్ సహా ఎమ్మెల్యేలు కూడా ప్రమాణం చేయించారు.

అక్టోబరు 5న జరిగిన హర్యానా అసెంబ్లీ ఎన్నికల్లో బీజేపీ 48 సీట్లు గెలుచుకుని వరుసగా మూడోసారి అధికారంలోకి రాగా, కాంగ్రెస్ 37 సీట్లు గెలుచుకుంది. INLD రెండు స్థానాలను గెలుచుకుంది. ముగ్గురు స్వతంత్రులు కూడా ఎన్నికయ్యారు.