బీహార్ ఎన్నికల షెడ్యూల్ ఇలా..

దేశవ్యాప్తంగా ఆసక్తిరేపుతోన్న బిహార్ అసెంబ్లీ ఎన్నికల షెడ్యూల్‌ను కేంద్ర ఎన్నికల సంఘం ప్రకటించింది. ప్రధాన ఎన్నికల కమిషనర్ జ్ఞానేశ్ కుమార్ బిహార్‌ ఎన్నికల షెడ్యూల్‌ను విడుదల చేశారు. రెండు విడతల్లో ఎన్నికలు జరుగుతాయి. తొలి విడత ఎన్నికలు నవంబర్ 6న, రెండో విడత ఎన్నికలు నవంబర్ 11న జరుగుతాయి. నవంబర్ 14న ఓట్ల లెక్కింపు జరుగుతుంది. ఎన్నికల కమిషనర్ ఈ సందర్భంగా జ్ఞానేశ్ కుమార్ సంచలన నిర్ణయాలు ప్రకటించారు.

బిహార్‌ (Bihar)లో మొత్తం 243 శాసనసభ స్థానాలున్నాయి. ప్రస్తుత అసెంబ్లీ గడువు వచ్చే నెల 22న ముగియనుంది. ప్రస్తుతం బిహార్‌లో ఎన్డీయే ప్రభుత్వం అధికారంలో ఉంది. నీతీశ్ కుమార్‌ ముఖ్యమంత్రిగా ఉన్నారు.

ఎన్నికల కమిషన్ సంచలన నిర్ణయాలు ...

పోలింగ్లో 17 మార్పులు.. బిహార్ ఎన్నికల నుండి స్టార్ట్.

1. ఓటరుగా రిజిస్టరైన 15 రోజుల్లో ఓటర్ కార్డు డెలివరీ

2. పోలింగ్ స్టేషన్ల వద్ద మొబైల్ డిపాజిట్ కౌంటర్లు

3. ప్రతి బూత్లో ఓటర్ల సంఖ్య 1500 నుంచి 1200కు తగ్గింపు

4. EVMలపై అభ్యర్థి కలర్ ఫొటో, పెద్ద సైజులో అక్షరాలు

5. బూత్ అధికారి అధికారిక ID కార్డుతో ఉంటారు

6. ప్రతి బూత్లో 100% వెబ్ కాస్టింగ్

7. బూత్ లెవల్ ఏజెంట్లు అందరికీ ట్రైనింగ్

8. బూత్ ఓట్ల లెక్కింపులో తేడాలుంటే అక్కడి VVPATలు కూడా లెక్కిస్తారు

9. BLO, BLO సుపర్వైజర్లకి ట్రైనింగ్

10. శాంతి భద్రతల నిర్వహణపై పోలీసులకు సెషన్స్

11. అక్రమ ఓటర్లను తొలగించేలా SIR

12. పోలింగ్ సిబ్బందికి రెమ్యూనరేషన్ పెంపు

13. పోలింగ్ స్టేషన్ సులువుగా గుర్తించేలా ఓటర్ ఇన్ఫర్మేషన్ స్లిప్స్ రీడిజైనింగ్

14. ECIకి గల 40 వేర్వేరు ప్లాట్ఫాంలను ECINET అనే సింగిల్ డెస్టినేషన్గా మార్పు

15. బూత్ల నుంచి అభ్యర్థుల తరఫు వారి టేబుల్స్ దూరం 200మీ. నుంచి 100మీ.కి తగ్గింపు

16. ఎన్నికల తర్వాత ఎంతమంది ఓటేశారు, వారిలో పురుషులు, మహిళలు, ఇతరులు ఎందరో తెలుసుకునేలా సైట్లో డిజిటల్ ఇండెక్స్ అందుబాటులో ఉంచుతుంది.

17. ఇప్పటివరకు పోస్టల్ బ్యాలెట్ల లెక్కింపుతో కౌంటింగ్ ప్రక్రియ మొదలయ్యేది. ఇకపై EVMలతో లెక్కింపు మొదలుపెడతారు. EVMల చివరి రెండు రౌండ్ల కౌంటింగ్కు ముందు పోస్టల్ ఓట్లు లెక్కిస్తారు...

బిహార్‌లో 243అసెంబ్లీ స్థానాలకు ఎన్నికలు

మొత్తం ఓటర్లు 7.42కోట్లు

జూన్‌ 24నుంచి ఓటర్ల అభ్యంతరాలను స్వీకరించాం

ఆగస్టు 1న తుది జాబితా ప్రకటించాం

నామినేషన్ల కంటే 10 రోజల ముందు వరకు ఓటర్ల జాబితాలో పేర్లు నమోదు చేసుకోవచ్చు.