కొడాలి నానీ ఆరోగ్యంపై ఆందోళన ఎందుకు?

వైసీపీ ఫైర్ బ్రాండ్ నాయకుడు కొడాలి నాని ఆరోగ్యం సరిగా లేదంటూ వస్తున్న వార్తలు రాష్ట్రంలోని ఆయన అభిమానులను కలవరపరుస్తున్నాయి. గుడివాడ ఎమ్మెల్యే కొడాలి నాని అస్వస్థతకు గురయ్యారంటూ రెండు రోజులుగా వదంతులు వ్యాపించాయి. మే 23న (గురువారం) తన ఇంట్లో వైసీపీ నాయకులతో మాట్లాడుతూ ఒక్కసారిగా కుప్పకూలిపోయారు. ఏమైందో అర్థం కాక పార్టీ నేతలు ఇంట్లో ఉన్న సిబ్బందిని, గన్ మ్యాన్లను అప్రమత్తం చేశారు. దీంతో వాళ్లు నానికి ప్రాధమిక వైద్యం అందించారు. కుటుంబ వైద్యులకు సమాచారం అందించారు. నానికి విశ్రాంతి కావాలంటూ ఇంట్లో ఉన్న నాయకుల్ని, కార్యకర్తల్ని గన్‌మెన్లు బయటికి పంపించి వేశారు. ఇప్పుడీ వార్త ఆయన అభిమానుల్ని ఆందోళనకు గురి చేసింది.