పోలీసుల కస్టడీకి వర్రా..రెండు రోజుల పాటు విచారణ
కడప జిల్లాలో వర్రా పోలీసుల కస్టడీ హాట్‌ టాపిక్‌గా మారింది. విచారణలో ఎవరి పేర్లు చెబుతాడేమో అని ఉత్కంఠ నెలకొంది.;
కడప జిల్లా వైఎస్‌ఆర్‌ కాంగ్రెస్‌ పార్టీ సోషల్‌ మీడియా కార్యకర్త వర్రా రవీందరరెడ్డి అంశం మళ్లీ తెరపైకొచ్చింది. తాజాగా ఆయనను పోలీసులు కస్టడీలోకి తీసుకున్నారు. పులివెందుల పోలీసులు రెండు రోజుల పాటు వర్రా రవీందరరెడ్డిని విచారణ చేయనున్నారు. వర్రా రవీందరరెడ్డి ప్రస్తుతం కడప జైలులో ఉన్నారు. వర్రాను పోలీసులు కస్టడీకి తీసుకున్న నేపథ్యంలో ఆయన్ను కడప జైలు నుంచి రాజీవ్‌ గాంధీ ఇనిస్టిట్యూట్‌ ఆఫ్‌ మెడికల్‌ సైన్‌సెస్‌(రిమ్స్‌)కు తరలించారు. రిమ్స్‌లో వర్రాకు వైద్య పరీక్షలు నిర్వహించినున్నారు. అనంతరం కడప సైబర్ క్రైమ్‌ పోలీసు స్టేషన్‌లో వర్రాను విచారించనున్నారు. బుధవారం, గురువారం రెండు రోజుల పాటు ఉదయం 9 గంటల నుంచి సాయంత్రం 5 గంటల వరకు తన న్యాయవాదుల సమక్షంలో వర్రా రవీందరరెడ్డిని విచారణ చేయొచ్చని కడప 4వ అదనపు జిల్లా కోర్టు మంగళవారం అనుమతి ఇచ్చింది. దీంతో బుధవారం పోలీసులు వర్రాను తమ కస్డడీలోకి తీసుకున్నారు.