తిరుపతి:భద్రత ఇవ్వకుంటే.. దండన తప్పదు..

తిరుపతి జిల్లాలో కొద్దిసేపటి కిందట (శనివారం రాత్రి) పోలీసు, రవాణా శాఖ అధికారులు సంయుక్తంగా సిబ్బందితో కలిసి బస్సుల్లో పరిశీలించారు. తిరుపతి ఆర్టీసీ బస్టాండుకు సమీపంలో రోడ్డునే అడ్డాగా మార్చుకుని ప్రయాణికులను ఎక్కిస్తున్న ప్రయివేటు బస్సుల వద్దకు ఆర్టీఓ కొర్రపాటి మురళీ మోహన్, అదనపు ఎస్పీ రవిమనోహరాచారి సారధ్యంలోని సిబ్బంది చేరుకున్నారు.

బస్సుల్లో భద్రతా ప్రమాణాలతో పాటు రికార్డులు కూడా ఆర్టీఓ మురళీమోహన్, అదనపు ఎస్పీ రవిమనోహరాచారి స్వయంగా తనిఖీ చేశారు.

2. గాజు బ్రేకర్లు, అగ్నిమాపక పరికరాలు, ప్రథమ చికిత్స కిట్లు

3. బస్సుల ఫిట్‌నెస్ సర్టిఫికెట్లు, డ్రైవర్ లైసెన్సులు, అనుమతులు సక్రమంగా ఉన్నాయా అని నిర్ధారణ.

4. లగేజ్ కంపార్ట్‌మెంట్లలో మండే పదార్థాలు లేదా చట్టవిరుద్ధ వస్తువులు రవాణా అవుతున్నాయా అని తనిఖీ

5. డ్రైవర్లు రవాణా శాఖ నిబంధనల ప్రకారం పత్రాలు కలిగి ఉన్నారో లేదో పరిశీలించారు. 

"ప్రయాణికుల భద్రత విషయంలో ఎటువంటి నిర్లక్ష్యాన్నీ సహించం. బస్సులు బయలుదేరే ముందు అన్ని భద్రతా ఏర్పాట్లను తప్పనిసరిగా తనిఖీ చేసుకోవాలి. నిబంధనలు ఉల్లంఘించినవారిపై చట్టపరమైన చర్యలు తప్పవు" అని అదనపు ఎస్పీ రవిమనోహరాచారి హెచ్చరించారు.

ప్రైవేట్ బస్సుల నిర్వాహకులు, డ్రైవర్లు భద్రతా ప్రమాణాలను కచ్చితంగా పాటించాలని ఆయన గుర్తు చేశారు. వారివెంట డీటీఓ మురళీమోహన్, ట్రాఫిక్ డిస్పి రామకృష్ణ ఆచారి, పోలీసు సిబ్బంది పాల్గొన్నారు.