ఏపీలో పిడుగులతో కూడిన వర్షాలు

ఇదిలా ఉంటే ఎండలు మండి పోతున్న వేళలో ఒక్క సారిగా వాతావరణం మారిపోయింది. సోమవారం సాయంత్రం ఉమ్మడి కృష్ణా జిల్లాలో పలు ప్రాంతాల్లో ఈదురు గాలులు వీచాయి. విజయవాడ నగరంతో పాటు రెడ్డిగూడెం, మైలవరం, తిరువూరు, ఇబ్రహీంపట్నం వంటి పలు మండలాల్లో ఈదురు గాలులతో పాటు భారీ వర్షం కురిసింది. దీంతో ఆయా మండలాల్లోని మామిడి తోటల్లోని మామిడి కాపు దెబ్బతినింది. మామిడి కాయలు రాలిపోయాయి. దీంతో మామిడి పంటకు బాగానే నష్టం వాటిల్లిందని రైతులు వాపోతున్నారు. ఈ నేపథ్యంలో అటు మామిడి రైతులు, ఇటు మామిడి వ్యాపారులు కూడా ఆందోళనలో ఉన్నారు. దీంతో పాటుగా ఈదురు గాలులు, భారీ వర్షాలకు పలు ప్రాంతాల్లో విద్యుత్‌కు అంతరాయం ఏర్పడింది. విజయవాడ నగరంలో కూడా పలు ప్రాంతాల్లో కరెంట్‌ సరఫరాకు అంతరాయం ఏర్పడింది. నగరంలోని రోడ్లు జలమయం అయ్యాయి. ఇబ్రహీంపట్నం, కొండపల్లి ప్రాంతాల్లో అయితే థర్మల్‌ కేంద్రంలోని బూడిద ఈదురు గాలులకు ఎడిసిపడింది. దీని వల్ల వీటీపీఎస్‌ చుట్టు పక్కల ప్రాంతాలు బూడిద వచ్చి చేరింది.