TTD | గోవిందుడికి శ్రీవారి అపూర్వ కానుక

తిరుపతిలోని శ్రీగోవిందరాజ స్వామి వార్షిక బ్రహ్మోత్సవాల నేపథ్యంలో తిరుమల నుంచి అత్యంత విలువైన ఆభరణాలు తీసుకుని వచ్చారు. గోవిందరాజస్వామి వారికి శుక్రవారం సాయంత్రం గరుడోత్సవం నేపథ్యంలో తిరుమల నుంచి శ్రీవారి కానుకగా సుమారు రూ.34.46 లక్షల విలువైన మూడు ఆభరణాలు టిటిడి సమర్పించింది.

ఈ ఆభరణాలను కళాకారుల ప్రదర్శనలతో ఆలయానికి తీసుకుని వచ్చారు. శుక్రవారం రాత్రి గరుడవాహనంపై శ్రీగోవిందరాజస్వామివారు ఊరేగుతుండగా, కళాకారులు నీరాజీనం సమర్పించారు. ఈసారి గోవిందుడి బ్రహ్మోత్సవాల్లో కనుమరుగు అవుతున్న కళారూపాల్లో కీలుగుర్రాల కళాకారులకు కూడా అవకాశం దక్కింది. ఈ కార్యక్రమాలను టీటీడీ హిందూ ధర్మప్రచార పరిషత్ ఆధ్వర్యంలో ఏర్పాటు చేశారు. 

తిరుమల శ్రీవేంకటేశ్వరస్వామి వారికి తిరుపతిలో శ్రీగోవిందరాజస్వామివారి స్వయాన అన్న దీంతో గరుడ వాహనంపై గోవిందుడు విహరించే సమయంలో అలంకరించడానికి తిరుమల నుంచి దాదాపు రూ.34.46 లక్షలు విలువ చేసే మూడు ఆభరణాల్లో స్వామివర్ల దీర్ఘ చతురాస్రాకార పతకం ఒకటి, అమ్మవార్ల దీర్ఘ చతురాస్రాకార రెండు పతకాలను శాశ్వత ప్రాతిపదికన టిటిడి బహూకరించింది.