హాయ్ విజయ్, ఆల్ ది బెస్ట్ అని పవన్ కల్యాణ్ ఎందుకన్నాడు?

తెలుగునాట సినీనటుల హవా పెరుగుతున్న నేపథ్యంలో మరో మల్టీస్టారర్, కోలీవుడ్ ఫేం విజయ ఎలియాస్ జోసఫ్ విజయ్ చంద్రశేఖర్ తమిళనాడులో రాజకీయ రంగప ప్రవేశం చేశారు. చెన్నైలో ఆదివారం ఆయన పార్టీని ప్రారంభించారు. 'తమిళిగ వెట్రీ కళగమ్' పార్టీని స్థాపించిన విజయ్ కి మరో నటుడు, ఆంధ్రప్రదేశ్ ఉప ముఖ్యమంత్రి పవన్ కళ్యాణ్ అభినందలు తెలిపారు. హాయ్ విజయ్, ఆల్ ది బెస్ట్ అంటూ పవన్ కళ్యాణ్ చేసిన ట్వీట్ ను నెటిజన్లు ప్రశంసలతో ముంచెత్తుతున్నారు. రాజకీయ స్ఫూర్తి అంటే అలా ఉండాలంటూ పవన్ కి,విజయ్ కి జేజేలు పలుకుతున్నారు.

కోలీవుడ్‌ నటుడు విజయ్‌ పొలిటికల్‌ ఎంట్రీపై ఆంధ్రప్రదేశ్‌ ఉప ముఖ్యమంత్రి పవన్‌కల్యాణ్‌ స్పందిస్తూ అభినందనలు తెలిపారు. ‘‘ఎంతోమంది సాధువులు, సిద్ధులకు నెలవైన తమిళనాడులో రాజకీయ జీవితాన్ని ప్రారంభించిన నటుడు విజయ్‌కు నా హృదయపూర్వక అభినందనలు’’ అని పవన్ సోషల్ మీడియా ఎక్స్ లో ట్వీట్ చేశారు. ప్రస్తుతం ఇది నెటిజన్లను ఆకట్టుకుంది.