పుట్టకు పాలుపోసి..మొక్కు తీర్చుకొని

పూజల అనంతరం ఘనాపాటి నవుడూరి విశ్వనాథ శర్మ ఆలయ విశిష్టత, చరిత్ర వివరించారు. స్వయంభువుగా వెలసిన క్షేత్రమని, పుట్టలో పోసిన పాలను సర్పరూపంలోని స్వామి స్వీకరిస్తారని తెలిపారు. సంవత్సరానికి రెండు మూడు సార్లు స్వామి వెలుపలికి వచ్చి విశ్వరూప దర్శనమిస్తారని చెప్పారు. భక్తుల కోర్కెలు తీర్చే స్వామిగా పేరున్న ఈ క్షేత్రానికి వారాంతాలు, మంగళవారాల్లో వేల సంఖ్యలో భక్తులు వస్తారని వివరించారు.

నివార్ తుపాను సమయంలో రైతులను పరామర్శించేందుకు వచ్చినప్పుడు ఆలయం వెలుపలి నుంచి వెళ్లిన విషయాన్ని పవన్ కళ్యాణ్ గుర్తుచేసుకున్నారు. తమిళనాట ఆరు విఖ్యాత సుబ్రహ్మణ్య క్షేత్రాల దర్శనం తర్వాత మోపిదేవి స్వామిని దర్శించుకునే భాగ్యం లభించిందని అన్నారు. దర్శనం అనంతరం వేద పండితులు ఆశీర్వచనాలు అందించారు. ఆలయ అధికారులు స్వామి చిత్రపటం, ప్రసాదం అందజేశారు. పవన్ కళ్యాణ్‌తోపాటు మంత్రి కొల్లు రవీంద్ర, ఎంపీ వల్లభనేని బాలశౌరి, ఎమ్మెల్యే మండలి బుద్ధప్రసాద్ తదితరులు పాల్గొన్నారు.