నామినేషన్‌ దాఖలు చేసిన పాకా

విజయసాయిరెడ్డి రాజీనామా చేయడంతో ఖాళీ అయిన రాజ్యసభ స్థానానికి ఉప ఎన్నికలు నిర్వహించేందుకు కేంద్ర ఎన్నికల సంఘం ఇది వరకే నోటిఫికేషన్‌ జారీ చేసింది. మంగళవారం నామినేషన్‌ చేసుకునేందుకు ఆఖరి రోజు. విజయసాయిరెడ్డి రాజీనామాతో ఆ రాజ్యసభ సీటును ఎవరికి కేటాయిస్తారనే దానిపై తీవ్ర ఉత్కంఠ నెలకొంది. కూటమిలో ఎవరికి కేటాయిస్తారనే దానిపై రాష్ట్ర రాజకీయ వర్గాల్లో పెద్ద చర్చ జరిగింది. వీటన్నింటికి తెరదించుతూ బీజేపీకే ఆ సీటును కేటాయించారు. ఆర్‌ఎస్‌ఎస్‌ నుంచి బీజేపీ రాష్ట్ర నాయకుడిగా ఎదిగిన పాకా వెంకటసత్యనారాయణను అభ్యర్థిగా నామినేషన్‌కు ఒక్క రోజు ముందు బీజేపీ ప్రకటించింది. దీంతో ఈ రోజు పాకా సత్యనారాయణ నామినేషన్‌ను దాఖలు చేశారు.