ఎన్నికల్లో పోటీ చేయాల్సింది మంత్రులే..అధికారులు కాదు

కేబినెట్ సమావేశంలో కీలక ప్రకటనలు:

• వైజాగ్ స్టీల్ ప్లాంట్: గతంలో నష్టాల్లో కూరుకుపోయిన విశాఖ స్టీల్ ప్లాంట్‌ను కాపాడి, లాభాల బాటలో నడిపించామని సీఎం చంద్రబాబు తెలిపారు. మా ప్రభుత్వం ఎన్నో చర్యలు తీసుకోవడంతో దీనిని మూతపడకుండా కాపాడగలిగాం అని ధీమా వ్యక్తం చేశారు.
• విశాఖ అభివృద్ధి: 2028 నాటికి విశాఖ దేశంలో ప్రత్యేక సిటీగా మారుతుందని, వెస్ట్‌లో ముంబైలా ఈస్ట్‌లో విశాఖ అభివృద్ధి చెందుతుందని ఆశాభావం వ్యక్తం చేశారు. ఆర్సెలార్ మిత్తల్ స్టీల్ ప్లాంట్‌కు త్వరలో శంకుస్థాపన జరుగుతుందని ప్రకటించారు.
• ఐటీ రంగం: ఐటీ రంగంలో లక్షలాది ఉద్యోగ అవకాశాలు సృష్టించే లక్ష్యంతో గూగుల్ డేటా సెంటర్ ప్రాజెక్టు తీసుకొచ్చామని తెలిపారు. ప్రస్తుతం ఆంధ్రాలో 4.7 లక్షల మంది వర్క్ ఫ్రమ్ హోమ్‌లో పని చేస్తున్నారని, దీనిని 10 లక్షలకు పెంచే లక్ష్యమని అధికారులకు ఆదేశించినట్లు వెల్లడించారు.
• పంచాయతీ రాజ్ సంస్కరణలు: పంచాయితీలను రేషనలైజేషన్ చేసి, రూరల్, అర్బన్ పంచాయతీలుగా విభజించి అభివృద్ధి చేయాలని సీఎం సూచించారు.

డిప్యూటీ సీఎం పవన్ కల్యాణ్ స్పందన

డిప్యూటీ సీఎం పవన్ కల్యాణ్ మాట్లాడుతూ, గూగుల్ డేటా సెంటర్ ఆంధ్రప్రదేశ్ రాష్ట్రానికి రావడం ఆనందకరమని, విదేశీ ప్రత్యక్ష పెట్టుబడులు (FDI) పెద్ద ఎత్తున ఆకర్షిస్తున్నందుకు హర్షం వ్యక్తం చేశారు. విశాఖ అభివృద్ధికి, రాష్ట్ర ఆర్థిక వృద్ధికి ఈ ప్రాజెక్టులు ఊతం ఇస్తాయి అని పేర్కొన్నారు.