పీపీపీ మోడ్‌లోనే మెడికల్‌ కాలేజీలు
10 మెడికల్‌ కాలేజీలకు రూ. 4950 కోట్లు వ్యయం అవుతుంది. ప్రజాప్రయోజనం కోసం పీపీపీలే ఉత్తమ విధానమని సీఎం చంద్రబాబు పేర్కొన్నారు.;
పీపీపీ విధానంలో చేపట్టే మెడికల్‌ కాలేజీల్లో ప్రభుత్వ అనుసరిస్తున్న విధానాలే కొనసాగుతాయని సీఎం చంద్రబాబు స్పష్టం చేశారు. సోమవారం మానవ వనరుల అభివృద్ధి, విద్య, వైద్యం, మహిళా శిశు సంక్షేమంపై కలెక్టర్ల కాన్ఫరెన్సులో సీఎం సమీక్షించారు. ఈ సందర్భంగా ఆయన మాట్లాడుతూ.. ï650 మెడికల్‌ సీట్లు మాత్రమే గతంలో ఉండేవి.. తాను ముఖ్యమంత్రి అయ్యాక 1282 మెడికల్‌ సీట్లు తేగలిగాం. వైద్య కళాశాలలు పెట్టాలంటే నిధులు పెద్ద ఎత్తున అవసరం అవుతాయి. 10 మెడికల్‌ కాలేజీలకు రూ. 4950 కోట్లు వ్యయం అవుతుంది. కేవలం 5 శాతం నిధులు మాత్రమే గత పాలకులు ఖర్చు పెట్టారు. ఇప్పుడు ఆ కాలేజీల నిర్మాణం కోసం మరో రూ.4 వేల కోట్ల వరకూ అవసరం అవుతాయి. పీపీపీ ద్వారా వైద్య చికిత్సల నాణ్యత పెరుగుతుంది. సీట్లు పెరుగుతాయి. దీన్ని కొందరు రాజకీయం చేసే ప్రయత్నం చేస్తున్నారు. ప్రజాప్రయోజనం కోసం పీపీపీలే ఉత్తమ విధానమని సీఎం చంద్రబాబు స్పష్టం చేశారు.