రేపు శ్రీవారి గరుడోత్సవం.. సమన్వయంతో సఫలం చేద్దాం..

తిరుమలలో యాత్రికులకు మెరుగైన సేవలు అందివ్వడానికి టీటీడీ ఉద్యోగులు, పోలీసులు, శ్రీవారి సేవకులు సమన్వయంతో పనిచేయాల్సిన అవసరాన్ని తిరుపతి జేఈఓ వీరబ్రంహ్మం సూచనలు చేశారు.

తిరుమలలో శనివారం సాయంత్రం ఆస్థాన మండపంలో ఏర్పాటు చేసిన సమన్యయ సమావేశంలో జేఈఓ వీరబ్రహ్మం మాట్లాడారు.

తిరుమలలో ఉద్యోగులకు భారంగా మారితే వెంటనే కమాండ్ కంట్రోెల్ కేంద్రాన్ని అప్రమత్తం చేయాలని జేఈఓ వీరబ్రహ్మం సూచించారు. ప్రత్యేక విధులలో భాగంగా తిరుమలలో సేవలు అందించేందుకు వచ్చిన ప్రతి ఉద్యోగి తమకు కేటాయించిన విధులను బాధ్యాతాయుతంగా నిర్వర్తించాలని కోరారు. గత అనుభవాలను దృష్టిలో ఉంచుకుని అన్నప్రసాదాలు, త్రాగునీటి కొరత, భక్తులకు అనుకోకుండా ఆరోగ్య సమస్యలు, విద్యుత్ సమస్యలు తలెత్తితే తక్షణం నివారించేందుకు సంబంధిత సదరు ఉద్యోగులు అప్రమత్తంగా ఉండాలన్నారు. ఆదివారం ఉదయం నుండి గ్యాలరీలలోని భక్తులకు తాగునీరు, పాలు, అల్పాహారం అందించేంచుకు చర్యలు చేపట్టినట్లు తెలిపారు.

టీటీడీ సివిఎస్ఓ ( Chief Vigilance and Security Officer CVSO ) కే.వి. మురళీకృష్ణ మాట్లాడుతూ, వాహన సేవలు పూర్తయిన వెంటనే ఎలాంటి అవాంతరాలు లేకుండా భక్తులను బయటకు పంపేందుకు ప్రణాళిక బద్ధంగా ప్రతి వీధికి ఒక అధికారిని ఇన్‌ఛార్జ్‌గా నియమించినట్లు తెలిపారు. అత్యవసర పరిస్థితుల్లో భక్తులను తరలించేందుకు వీలుగా చర్యలు తీసుకోవాలని సూచించారు. ఏదైనా అత్యవసర పరిస్థితుల్లో సంబంధిత అధికారులు కమాండ్ కంట్రోల్‌ను సంప్రదించి సమస్యను తెలియజేయాలని కోరారు.

తిరుపతి జిల్లా ఎస్పీ ఎల్. సుబ్బరాయుడు మాట్లాడుతూ..