పెళ్లి పేరుతో మోసం.. నిందితుడికి జీవితఖైదు

అన్నమయ్య జిల్లా రైల్వేకోడూరు మండలం రెడ్డివారిపల్లెకు చెందిన గొంతు సుబ్రమణ్యం (50) పెళ్లి చేసుకుంటానని ఓ యువతి (20)తో ప్రేమాయణం సాగించాడు. పెళ్లి చేసుకోవడానికి నిరాకరించడంతో బాధిత యువతి 2022 మార్చి 22వ తేదీ రైల్వే కోడూరు పోలీసులకు ఫిర్యాదు చేసింది. ఆ రోజు రైల్వే కోడూరు ఎస్ఐగా ఉన్న ఈవిఎల్. నరసింహం, సీఐ ఎస్. విశ్వనాథరెడ్డి కేసు నమోదు చేసి, దర్యాప్తు చేశారు. వారి తరువాత ఈ కేసును ఎస్ఐ వి.లక్ష్మి ప్రసాదరెడ్డి, సీఐ కే. హేమసుందరరావు కేసు పురోగతిని పర్యవేక్షించారు.

అన్నమయ్య జిల్లా ఎస్పీ ధీరజ్ కునుబిల్లి ఈ కేసులో నిందితుడికి విధించిన శిక్షపై స్పందించారు.

"మహిళలను వేధించినా, మోసం చేయడంతో పాటు దాడులు వంటి నేరాలకు పాల్పడే వారికి కఠిన శిక్ష తప్పదు" అని హెచ్చరించారు. నమోదు చేసే కేసుల్లో బాధితులకు న్యాయం చేయడానికి 'గుడ్ ట్రయల్ మానిటరింగ్' చేస్తామని అన్నమయ్య జిల్లా ఎస్పీ ధీరజ్ కునుబిల్లి స్పష్టం చేశారు. బాధితురాలికి న్యాయం చేయడంలో కృషి చేసిన అధికారుల బృందాన్ని ఆయన అభినందించారు.