ఆంజనేయస్వామికి అపూర్వ వజ్రం సమర్పించిన అజ్ణాత భక్తుడు

"హుండీ కానుకలు లెక్కించే సమయంలో ఈ ముడి వజ్రం బయటపడింది" అని ఆలయ ఈవో కొండారెడ్డి చెప్పారు..

ఉమ్మడి కడప జిల్లా (అన్నమయ్య జిల్లా) రాజంపేట పట్టణంలో నాలుగు రోడ్ల కూడల నుంచి కడపకు వెళ్లే మార్గంలో అత్యంత పురాతన ఆంజనేయస్వామి వారి ఆలయం ఉంది. ఈ ఆలయంలో హుండీ లభించిన కానుకలు ఉలెక్కిస్తుండగా ఆకుపచ్చ వస్త్రంలో దారం చుట్టి, లక్కతో సీల్ వేసిన ఓ కవర్ బయటపడింది.

"ఈ డైమండ్ నాకు దొరికింది. దీనిని విక్రయించలేను. అలాగని దీనిని నేను భరించలేను. వస్తువు తయారు చేసి ఇచ్చే శక్తి నాకు లేదు. అందుకే హుండీలో వేస్తున్నాను" అని ఆ భక్తుడు రాసిన లేఖలో స్పష్టం చేశారు ఈ వజ్రం స్వామి వారి సేవకు ఉపయోగపడేలా చూడండి అని అభ్యర్థించారు.

అజ్ఞాత భక్తుడు అందించిన వజ్రం తో పాటు, దాని పరిమాణం, ఎన్ని క్యారెట్లు ఉందనే విషయాన్ని నిరూపించే పత్రం కూడా ఆ అజ్ఞాత భక్తుడు హుండీలో వేయడం గమనార్హం.