అవునన్నా కాదన్నా మీ అత్తనే చంద్రబాబు
మాజీ ముఖ్యమంత్రి నందమూరి తారక రామారావు వర్థంతి సందర్భంగా లక్ష్మీపార్వతి ఎన్టీఆర్‌ ఘాట్‌ వద్ద నివాళులు అర్పించారు.;
తెలుగుదేశం పార్టీ వ్యవస్థాపకులు, మాజీ ముఖ్యమంత్రి నందమూరి తారక రామారావు రెండో భార్య, వైఎస్‌ఆర్‌ కాంగ్రెస్‌ పార్టీ నాయకురాలు లక్ష్మీపార్వతి సంచలన వ్యాఖ్యలు చేశారు. రెండు తెలుగు రాష్ట్రాల్లో ఆ వ్యాఖ్యలు హాట్‌ టాపిక్‌గా మారాయి. ఎన్టీఆర్‌ వల్ల లక్షల కోట్లు సంపాదించుకున్నారని, అలాగే ఆయనను సాగనంపారని విమర్శలు గుప్పించారు. మీరు అవునని అనుకున్నా.. అనుకోకున్నా మీ అత్తగారిని చంద్రబాబు అంటూ వ్యాఖ్యలు చేశారు. తెలుగుదేశం పార్టీ శ్రేణులు తనను తీవ్రంగా అవమానిస్తుంటే చూస్తూ ఊరుకుంటారా? అంటూ చంద్రబాబుని నిలదీశారు. ఎన్టీఆర్‌ గౌరవం కాపాడే విధంగా బతుకుతున్నట్లు తెలిపారు. తనను బెదిరిస్తూ విపరీతంగా ఫోన్లు చేస్తున్నారని వాపోయారు. ఎన్టీఆర్‌ వర్థంతి సందర్భంగా శనివారం ఆమె హైదరాబాద్‌లోని ఎన్టీఆర్‌ ఘాట్‌ వద్ద నివాళులు అర్పించారు. ఈ సందర్భంగా ఆమె తన వ్యక్తిగత జీవితం గురించి.. సామాజిక మాధ్యమాలలో తనపై జరుగుతున్న దాడి గురించి.. 29 ఏళ్లుగా తాను సాగిస్తున్న పోరాటం గురించి సంచలన వ్యాఖ్యలు చేశారు.