బ్యాంకులు, చమురు సంస్థలు అన్ని వర్గాలకు షాక్ ఇచ్చాయి. సాధారణంగా ప్రతి నెలా ఒకటో తేదీ వస్తోంది అంటే కొన్ని వర్గాల ఆందోళనకు నిరీక్షిస్తుంటాయి. ఏ అంశాలపై ధరల భారం వేస్తారనేది మదింపు చేసుకుంటూ ఉంటారు. ఆ కోవలో సామాన్యులు, మధ్య తరగతి వర్గాలపై కేంద్ర ప్రభుత్వం అంటే రిజర్వు బ్యాంక్ ఆఫ్ ఇండియా (RBI) ద్వారా బ్యాంకింగ్ రంగంలో దగ్గజం స్టేట్ బ్యాంక్ ఆఫ్ ఇండియా (SBI) తో పాటు జాతీయ బ్యాంకులు క్రెడిట్ కార్డులపై మోత మోగించాయి. ఇవి రెండు సామాన్యుడి నుంచి సంపన్నుల వరకు తీవ్రంగా ప్రభావం చూపిస్తాయి. బ్యాంకు సేవలు, గ్యాస్ సిలిండర్ వినియోగంలో ఏ వర్గం కూడా మినహాయింపు కాదు. అన్ని వర్గాలకు అవసరమైన సేవలు అందించే సంస్థలు ఇవి. దీంతో వివిధ రకాల చార్జీల పేరుతో బ్యాంకులు, మరోపక్క చమురు సంస్థలు గ్యాస్, ఇంధన ధరలు పెంచడం మినహా, తగ్గించిన వ్యవహారం కనిపించదు. ఇటీవలి కాలంలో అంటే మూడు నెలల నుంచి డొమస్టిక్ సిటిండర్ ధర రూ. 12 వందల నుంచి రూ. 850 రూపాయాలకు దిగొచ్చింది. అది కూడా స్థిరంగా ఉంటుందనే నమ్మకం లేదు. అంతర్జాతీయం ముడిచమురు బ్యారల్ ధర ఆధారంగా ధరలు మారుతుంటాయనే విషయం తెలిసిందే..
సామాన్యుడిపై గ్యాస్ 'బండ'
చమురు సంస్థలు మాత్రం గ్యాస్ బండ ధర పెంచి మోత మోగించాయి. ఒక్కో సిలిండర్ పై 62 రూపాయలు భారం వేశాయి. నవంబర్ ఒకటి (నేటి నుంచి) ఉదయం నుంచి ఈ ధరలు అమలులోకి వచ్చాయి. పెళ్లిళ్ల సీజన్ ప్రారంభం కానున్న నేపథ్యంలో చమురు సంస్థలు గ్యాస్ బండ ధర పెంచడం సామాన్యలకు ఒకరకంగా ఇది భారమే. సాధారణంగా ప్రతి నెలా చమురు సంస్థలు ఒకటో తేదీ గ్యాస్ బండ ధరలు సమీక్షిస్తుంటాయి. ఆ విధంగా వ్యవహరించిన చమురు కంపెనీలు వాణిజ్య సిలిండర్ పై శుక్రవారం 62 రూపాయలకు పెంచింది. దీపావళి వేళ పండుగ సందర్భంగా 19 కిలోల సిలిండర్ ధర పెంచాయి. గత మూడు నెలల నుంచి పరిశీలిస్తే, ధరలు పెరగడం మినహా, తగ్గిన దాఖలాలు లేవు. పెరుగుతూనే ఉన్నాయి. మినహా తగ్గించిన దాఖలాలు లేవు. తాజాగా పెంచిన రేటుతో వాణిజ్య సిలిండర్ ధర రూ.1,802 కు చేరింది. ఈవెంట్లు, లేదా పెళ్లిళ్ల సీజన్ కావడం వల్ల క్యాటరింగ్ ఆర్డర్లతో పాటు హోటళ్లలో కార్యక్రమాలు నిర్వహించాలనుకునే వారిపై అధికభారం పడుతుందని భావిస్తున్నారు. అంతేకాకుండా, చిన్నపాటి హోటళ్లు, ఫాస్ట్ ఫుడ్ సెంటర్లు, తోపుడుబండ్లపై చిరు వ్యాపారాలు చేసుకునే వారు కచ్చితంగా వాణిజ్య సిటిండర్ మాత్రమే వినియోగించాలి. డొమస్టిక్ సిలిండర్ వాడుతూ, పట్టుబడితే మాత్రం అపరాధం చెల్లించుకోవాల్సి ఉంటుంది. దీంతో ఈ వర్గాలపై కూడా వాణిజ్య సిలిండర్ ప్రభావం ఎక్కువ ఉంటుందనడంలో సందేహం లేదు. ఇదిలా ఉంటే..
బ్యాంకుల్లో చార్జీల బాదుడు
బ్యాంకింగ్ రంగంలో దిగ్గజం ఎస్బీఐ కూడా నవంబర్ ఒకతో తేదీ నుంచి చార్జీల భారం వేసింది. క్రెడిట్ కార్డు వాడే వారికి ఇది షాకింగ్ అనడంలో సందేహం లేదు. అంతేకాకుండా, ఏటీఎం సేవలపై కూడా పరిమితి ఉన్న కారణంగా వారికి కూడా చార్జీల భారం తప్పడం లేదు. క్రెడిట్ కార్డుల విషయానికి వస్తే, ప్రస్తుతం ఎస్బీఐ క్రెడిట్ కార్డు ఫైనాన్స్ చార్జీ 3.50 శాతం నుంచి 25 శాతం పెంచింది. ఆ చార్జీ నెలకు 3.75 శాతానికి పెరిగింది. అన్ని రకాల లావాదేవీలపై ఈ చార్జీలు అమలు అవుతాయని ఎస్బీఐ స్పష్టం చేసింది.
ఏటీఎంలో పరిమితి దాటితే మోతే...
డెబిట్ కార్డులు వినియోగించే వారు నెలకు ఐదుసార్లు ఏటీఎం (ATM)ల నుంచి నగదు డ్రా చేయవచ్చు. ఎస్బీఐ వినియోగదారులు లక్ష రూపాయలు ఖాతాలో నిలువ ఉంచే విధంగా లావాదేవీలు సాగిస్తే, ఆ షరతు వర్తిస్తుంది. ఇతర బ్యాంకు ఏటీఎం నుంచి మూడుసార్లు మాత్ర నగదు డ్రా చేయడానికి నిబంధనలు అనుమతిస్తాయి.
ఎస్బీఐ ఏటీఎంలో ఐదుసార్లు పరిమితి దాటితే ఆరో దఫా నగదు తీసుకోవాలంటే మాత్రం కచ్చితంగా ఐదు రూపాయల నుంచి 20 రూపాయల వరకు చార్జీ పడుతుంది. "ఎస్టీబీ ఏటీఎం అయితే రూ. పది చార్జీ పడుతుంది. ఇతర ఏటీఎంలు అయితే 20 రూపాయలు ఆటోమేటిక్ గా కట్ అవుతుంది" అని బ్యాంకు అధికారి స్పష్టం చేశారు. నాన్ ఫైనాన్షియల్ లావాదేవీలకు ఎస్బీఐ ఏటీఎంలో ఐదు రూపాయలు, ఇతర బ్యాంకులు అయితే మాత్రం ఎనిమిది రూపాయల చార్జీ పడుతుందని ఆయన వివరించారు.
ఈ నెలకు ఈ తరహా చార్జీల మోత మోగింది. డిసెంబర్ ఒకటో తేదీ నాటికి మళ్లీ బ్యాంకింగ్ రంగం, చమురు సంస్థలు చార్జీలు, ధరలను సమీక్షిస్తాయి. ఆ సమయంలో భారం మోపుతారా? తగ్గిస్తారా? అనేది వేచిచూడాల్సిందే.