సిరిమానోత్సవంలో అపశృతి..కూలిన స్టేజి

విజయనగరం శ్రీ పైడితల్లి అమ్మవారి ఉత్సవాల్లో కీలక ఘట్టమైన సిరిమానోత్సవంలో అపశృతి చోటుచేసుకుంది. ఉత్సవాన్ని తిలకించేందుకు ఏర్పాటు చేసిన వేదిక ఒక్కసారిగా కుప్పకూలింది.వైసీపీ నేత బొత్స సత్యనారాయణ ,మరికొందరు నేతలు ఆ స్టేజీపైనే కూర్చుని ఉత్సవాన్ని తిలకిస్తున్న సమయం లోనే ఈ ఘటన చోటుచేసుకుంది. దీంతో భక్తులు గందరగోళానికి గురయ్యారు.ఈ ప్రమాదంలో ఎవరికీ ఏమీ కాకపోవడంతో అందరూ ఊపిరి పీల్చుకున్నారు. కాసేపటి తరువాత పరిస్థితిని చక్కదిద్దడంతో బొత్సతో సహా మిగిలిన వారు కుటుంబసమేతంగా తిరిగి వచ్చి ఉత్సవాన్ని తిలకించారు.