అసెంబ్లీ విప్ లకు ఉపసభాపతి రఘు రామకృష్ణరాజు చురకలు

ఓ దశలో ఆయన ఒకరిద్దర్ని పేరు పెట్టి పిలిచి మరీ గ్రూపు సమావేశాలు, మీటింగులు ఆపమని విజ్ఞప్తి చేశారు. అయినప్పటికీ ఫలితం లేకపోయింది. కొణతల రామకృష్ణ ల్యాండ్ బ్యాంకు ఇష్యూ మీద మాట్లాడుతున్నప్పుడైతే రెండు మూడు సార్లు సభ్యులకు విప్తి చేశారు. సభలో ఒక సీటు నుంచి మరో సీటు వద్దకు వెళ్లి మాట్లాడుతున్నారని, ఇది సభామర్యాద కాదన్నారు. అయినా వినలేదు. ఓ దశలో ముచ్చట్లు పెడుతున్న వారందరూ విప్ లేనని, సభ్యుల్ని ఆర్డరులో పెట్టడానికి విప్పులు ఉంటే, విప్పుల్ని అదుపు చేయడానికి ఎవరుండాలన్నారు. ఈ దశలో ఆయన వినుకొండ టీడీపీ సీనియర్ సభ్యుడు ఆంజనేయులు పేరును ప్రస్తావిస్తూ.. కావాలంటే బయటకు వెళ్లి మాట్లాడుకోమని అన్నారు. విప్పులు బయటికి వెళ్లి వ్యూహాల్ని ఖరారు చేసుకుని రమ్మని చెప్పారు.