సెమీ కండక్టర్ యూనిట్ రాష్ట్ర భవిష్యత్తుకు బంగారు బాట

రాష్ట్రంలో రూ.4,600 కోట్ల భారీ పెట్టుబడితో సెమీకండక్టర్ తయారీ యూనిట్ ఏర్పాటుకు కేంద్ర కేబినెట్ ఆమోదం తెలిపింది. ఈ కీలక నిర్ణయంపై జనసేన అధినేత, ఉప ముఖ్యమంత్రి పవన్ కల్యాణ్ హర్షం వ్యక్తం చేశారు. ఈ ప్రాజెక్టును రాష్ట్రానికి మంజూరు చేసినందుకు ప్రధానమంత్రి నరేంద్ర మోదీకి, కేంద్ర ప్రభుత్వానికి ఆయన హృదయపూర్వక ధన్యవాదాలు తెలిపారు.ఆంధ్రప్రదేశ్ రాష్ట్ర పారిశ్రామిక ప్రగతిలో కీలక ముందడుగు పడిందన్నారు.ఈ భారీ పెట్టుబడి ద్వారా రాష్ట్ర పారిశ్రామిక వృద్ధి గణనీయంగా పుంజుకుంటుందని పవన్ కల్యాణ్ పేర్కొన్నారు. ముఖ్యంగా, ఈ పరిశ్రమ ఏర్పాటుతో రాష్ట్రంలోని యువతకు పెద్ద ఎత్తున ఉపాధి, ఉద్యోగ అవకాశాలు లభిస్తాయని ఆయన ఆశాభావం వ్యక్తం చేశారు.