కోహ్లి పై ఐసీసీ చర్యలు.. డీ మెరిట్ పాయింట్ తో పాటు..

మైదానంలోని అంపైర్లు జోయెల్ విల్సన్ - మైఖేల్ గోఫ్, థర్డ్ అంపైర్ షర్ఫుద్దౌలా ఇబ్నే షాహిద్, నాల్గవ అంపైర్ షాన్ క్రెయిగ్ లు కోహ్లి ఐసిసి ప్రవర్తనా నియమావళి లెవల్ 1ను ఉల్లంఘించినట్లు అభియోగాలు మోపారు. ఆట ముగిశాక మ్యాచ్ రిఫరీ ఆండీ పైక్రాఫ్ట్ ప్రతిపాదించిన ఆంక్షలను అంగీకరించాడు.

" ఐసిసి ప్రవర్తనా నియమావళి లెవల్ 1 ను ఉల్లంఘించినందుకు విరాట్ కోహ్లీకి అతని మ్యాచ్ ఫీజులో 20 శాతం జరిమానా. ఒక డీమెరిట్ పాయింట్ చేర్చారు " అని ఐసిసి ఒక ప్రకటనలో తెలిపింది. "మ్యాచ్ రిఫరీ ఆండీ పైక్రాఫ్ట్ ప్రతిపాదించిన ఆంక్షలను కోహ్లీ అంగీకరించినందున అధికారిక విచారణ అవసరం లేదు" అని ప్రకటన సారాంశం భుజాలతో ఢీ కొట్టిన తరువాత ఇరు ఆటగాళ్లు మాటలు మార్చుకున్నారు. ఉస్మాన్ ఖవాజ వీరిని విడదీయడానికి ప్రయత్నించారు.

ఆన్-ఫీల్డ్ అంపైర్లు కూడా ఇద్దరితో ఒక మాట చెప్పారు. తరువాత పరిస్థితి సాధారణంగా మారింది. స్టంప్స్ తర్వాత విలేఖరులతో మాట్లాడిన కాన్స్టాస్, కోహ్లి తనతో ఢీకొట్టాడని, అయితే అది ఉద్దేశపూర్వకంగా జరగలేదని చెప్పాడు. ఆ సందర్భంలో ఇద్దరి మధ్య ఉద్వేగాలు రగిలాయని చెప్పాడు. తన తొలి మ్యాచ్ లోనే సామ్ అర్థశతకం సాధించాడు. ముఖ్యంగా బూమ్రా లయను దెబ్బతీయడంలో సఫలం అయ్యాడు.

మైదానంలో కోహ్లి ప్రవర్తించిన తీరుపై ఆసీస్ మాజీ కెప్టెన్ రికీ పాంటింగ్ విమర్శలు గుప్పించాడు. ఐసీసీ క్రమశిక్షణా చర్యలు తీసుకోవాలని డిమాండ్ చేసింది. కోహ్లి కావాలనే సామ్ ను ఢీ కొట్టాడని అన్నారు. అంపైర్లు ఈ ఘటన వీడియోను చూసే ఉంటారని అనుకుంటారని అభిప్రాయపడ్డారు. కోహ్లి కెప్టెన్సీలో సారథ్యం వహించిన భారత మాజీ ప్రధాన కోచ్ రవిశాస్త్రి రన్-ఇన్ అనవసరమని అన్నారు.

" ఒక లైన్ ఉంది. మీరు ఆ లైన్‌ను దాటకూడదు. అది అనవసరం, పూర్తిగా అనవసరం. మీరు దానిని చూడకూడదు. విరాట్ సీనియర్ ఆటగాడు అని మీకు తెలుసు, అతను జట్టుకు కెప్టెన్‌గా ఉన్నాడు" అని రవిశాస్త్రి చెప్పాడు.